23 Fəŋ bʉəfɛ̀ʼndɛŋNyii nɔ nə yɔŋ, bʉʼka kwú nɔ kə tʉ́ʼ bɔŋ ndə mə-kə́-fɔ̀ʼ gɛ̀gɛ̀. 24 Bɔŋ Jiso nɔ tʉʼ fɔ̀ʼ nə wofɛ̀ʼndɛŋNyii gɛ̀gɛ̀, bʉʼka ɔ kie liʼ fɛ. 25 Nɔ, ɔ nɔ kie ghʉəʼkə ndə məkwáa bʉə təvɛʼtəvɛʼ ndə bɔ̂ŋ gwè tʉ Nyii tíŋ hə bɔ̌ŋ ɔŋ, bʉʼka mbɔ ɔ nɔ tʉʼ chí mbi gɛ̀ ndə mə-kə́-gwía tʉ Nyii yie-bɔŋ.
26 Ndə shʉəŋ, i nɔ kʉ̀ʼnə ndə bʉʼʉ kie ntɛ tiefɛ̀ʼndɛŋkwɛʼtəŋNyii, bʉʼka ɔ nɔ bɛ ŋkʉʉ, kə́ bɛ wo ndə ghɔkə-i bɛ ighʉ́ʉnə, təmə nɔʼ bʉ́əhə ŋwɔŋ-ɛŋ nə bʉ̂ʼʉ fɛ, bə nɔʼ fyúhə ɔŋ ɔ bɛ ŋkʉ̂ʉ hə mu bʉə-bʉ̂ʼʉ, kóʼhə ɔŋ ghɔʼ tə ɔ tíŋ yuotə. 27 Ɔ kaa nə bətiefɛ̀ʼndɛŋkwɛʼtəŋNyii bəbɛʼbə fɛ, ndə ɔ kie ndə mə-kə́-fəŋ-fɛ̀ʼndɛŋ bəchibəchi ndəŋ yi-yə bʉ̂ʼʉ, ɔ leʼ fɛ̀ʼ ndəŋ bʉ̂ʼ-bəbɛʼbʉə-tə fɛ. Ɔ nɔ nə fɛ̀ʼ mbyu ndɛŋ imɔʼ, ndə i bɛ vɛʼ mɔʼɔ tə mbi nə lìʼ, ndʉʉ ndə ɔ kə kɔ́ ŋwɔŋ-ɛŋ nə fɔ-fɛ̀ʼndɛŋ-kə.