Mak 5

38 Ndʉʉ ndə bɔ̂ŋ gwè mu njaa wokwɛʼtəŋ-mu-njaagháaNyii, Jiso nyíɛ ntɛ mbyuutəmbyuutə ndə i bɛ chɔ, bʉə kə́ gwíatə bɔŋleʼ tíitə nə ghʉəʼkə. 39 Ndʉʉ ndə ɔ kə sʉ́ʉ mu njaa, ɔ bíʼtə tʉ bɔŋ mbɔ, "Tʉʼ chɔ́ŋhə ka chɔ́ŋhə bii, bii kə́ gwíatə mənɔ? Mbʉ vaa chʉʼ kwú fɛ, ɔ nɔ tʉʼ bɛ́ŋbɛ́ŋ." 40 Bɔ̂ŋ chʉ́əʼ ɔ. Ɔ jə̀ŋ bʉə bənchəŋ kɔ́ mbi yaʼkɛŋ tie-mbʉ-vaa ghɔŋ ŋkwê-i leʼnə bʉə ndə ghɔŋ bɔŋ kə bɛ mɔʼɔ. 41 Jiso jɔ̀ kwii-i, ghɔ̀ŋ tʉ ɔŋ mbɔ, "Talita kumi," ndə i bɛ mbɔ, "Naa-ɛ, mɔ nɔ tʉʼ ghɔ̀ŋ tʉ a mbɔ lɔ̀ hə sê." 42 Haʼ ndʉʉmɛ, mbʉ vaabəke lɔ̀ hə sê chʉ́ʉhə kə́ tòʼ. Ɔ nɔ nə bɛ ŋgʉʼhə njuɔ bûu nə wuŋ. Haʼ ndʉʉmɛ i ghɔ́ʼ bɔŋ bɔŋleʼ chàa bɔŋ.