1 BaKorinti 7

32 In shim ni won yin kudaam. Anet fɛ́ da a mi ra kuweneng awo, kudaam wu yet na a ra ikyɛng fɛ́ aTisa shim, ngma anyɛk wu me yet na a tɛrɛk aTisa me iyɛ. 33 Awɛt anet fɛ́ a mi ra kuweneng, kudaam wu yet ndaam nkyɔrɔk azatse kang, nek na a tɛrɛk abining wu iyɛ. 34 Nek anɔng nhwyɛ wu kaba asa faa. Abining fɛ́ da a mi ra kuweneng awo, kɛ kanamang, kudaam wu yet na a ra ikyɛng fɛ́ aTisa shim. Kuyiring wu yet na nabak ice wu ngma sak na aTisa, ayɛt irɔm nɛ kabik. Awɛt abin iweneng, kudaam wu yet nkyɔrɔk azatse me nang, ni irèn fɛ́ a da tɛrɛk amatek wu iyɛ. 35 In ki tas yin nkyɔrɔk nang nɔng in ki sɛ yin mo, da nek in shim in ki daam yin awo, tit nek kusot yin bin se yɛɛt, ni ya yin aTisa ntong ni iyɛ izining, vit ikabasa nhwyɛ.