1 Klisto bu kayena mpasi mu nitu andi, yeno mpe beeno bakubama mu yena mpasi bonso yandi: yondowo yeni mpasi mu nitu andi kalendi bwesa hola masumu ko. 2 Tuka ntangu beyiyi, mu bilumbu bisidi neeno ha luse lu butoto, lufweti zinga bonso budi luzolo lu Nzambi, kansi ka bonso nsatu zi nitu zeno ko. 3 Mu dyambu ti luhyokisi ntangu yiyingi mu hidika luzolo lu yobobo balembolo zaba Nzambi. Luzingidi mu kindumba, nsatu zimbi zi nitu, kukolo malamu, kindyafu, kinduvu na kusambila biteki ni dyambu dihyokidi bubi. 4 Kadi bwabu, yobobo balembolo zaba Nzambi bana yituku, mu dyambu ti luna bwesa ba kintwadi nawu ko mu nkadulu zimbi zi hyokidi kitezo. Ni hahoho yawu bakwe lutukilanga. 5 Kansi yawu mbo bavutula mvutu kuu Nzambi mu mavanga mawu, Nzambi wudi wukubama mu fundisa bantu bamoyo na bafwa.