ሶሎሞነ ጾሳፐ ሃክ ሃክ ቤዳ
1 ካቲ ሶሎሞነ ዳሮ አላጋ ቢታ ማጫዋንታ ሲቄዳ፤ ሄዋንቱነ ግብጼ ካትያ ናት ቦላ ጉጅና ሞኣባቱዋ፥ አሞናቱዋ፥ ኤዶማቱዋ፥ ሲዶናቱዋነ ሂተቱዋ ማጫዋንታ።11:1 ዛረ. 17:17 2 ኡንቱንቱ፥ "ህንተንቱ ሀ አሳቱዋና አኩዋን ገሉዋን ዋላከቶፕተ፤ አያዉ ጎፐ፥ ኡንቱንቱ ህንተንቱ ዎዛና ቱሙፐ ባረንቱ ኤቃ ጾሳቱዋኮ ዛራና" ያጊደ መና ጎዳይ እስራኤልያ አሳዉ ኦዴዳ ካዉተቱ ማጫዋንታ፤ ሽን ሶሎሞነ ኡንቱንቱና ሲቁዋን ቃሸቴዳ።11:2 ከሳ 34:16፤ ዛረ. 7:3-4 3 ሶሎሞናዉ ካተቱዋ ናና ግድያ ላፑን ጼቱ ማቼቱነ ሄዙ ጼቱ ማችያዳን አዉ ደእያ ማጫዋንቱ ደኢኖ። አ ማቻቱ አ ዎዛና ጾሳፐ ሃሴድኖ። 4 ሶሎሞነ ጭም ጭሚደ ቢሽን፥ አ ማቻቱ አ ዎዛና ሀራ ጾሳቱዋኮ ዛሬድኖ፤ ያትና፥ አ አዉዋ ዳዊተ ኩመን ዎዛናፐ ሲቄዳዋዳን፥ መና ጎዳ ባረ ጾሳ እ ሲቅቤና። 5 ሶሎሞነ አስታሮታ ጌተትያ ሲዶናቱዋ ጾሳትዉነ ሞሎካ ጌተትያ አሞናቱዋ ጾሳዉ፥ ሸነይያዎ ጎይኔዳ። 6 ያቲደ ሶሎሞነ መና ጎዳ ስንን ኢታባ ኦዳ፤ አ አዉዋ ዳዊተ ካሌዳዋዳን፥ መና ጎዳ ፖሎ ካልቤና።
7 ሄዋፐ ጉይያን ሶሎሞነ ካሞሻ ጌተትያ ቱና ኤቃዉነ አሞናቱ ኤቅያ፥ ሞሎካ11:7 ሞሎካ፦ አሞናቱዋ ኤቃይ፥ ሞሎከ እብራዌዋን ምልካማ ጌተቴ። ጌተትያ ቱና ኤቃዉ የሩሳላመ ካታማፐ አዋይ ዶልያ ባጋን ደእያ ደርያ ሁጲያን ጎይንያ ቃ ሳኣ ኬጼዳ። 8 አላጋ ቢታፐ አኬዳ ባረ ማቻቱዋ ኡባዉካ እ ሄዋዳን ጊግሴዳ፤ ኡንቱንቱ ባረንቱ ጾሳቶ ያን እጻና ጩዋዬድኖነ ያርሹዋ ያርሼድኖ።
9 አዉ ላኡ ገደ ቆንጬዳ መና ጎዳፐ እስራኤልያ ጾሳፐ ሶሎሞነ ዎዛናይ ዎራ ስሜዳ ድራዉ፥ መና ጎዳይ አ ሀንቀቴዳ። 10 ሀራ ጾሳቱዋ ካለናዳን ጾሳይ ሶሎሞና አዛዜዳ፤ ግዶፐነ፥ ሶሎሞነ መና ጎዳ አዛዙዋ ናግቤና። 11 ሄዋ ድራዉ፥ መና ጎዳይ ሶሎሞና ሀዋዳን ያጌዳ፤ "ኔን ሀዋዳን ሀኔዳ ድራዉ፥ ታን ኔና አዛዜዳ ታ ጫቁዋነ ታ ዎጋነ ኔን ናገናን እጼዳ ድራዉ፥ ታን ነ ካዉተ ኔፐ ቦንቃ አካደ፥ ነ ቆማቱዋፐ እቶ እማና። 12 ግዶፐነ፥ ነ አዉዋ ዳዊታ ድራዉ ታን ሀዋ ኔን ፓጻ ደእያ ላይን ቦንቃ አክከ፤ ነ ናኣ ኩሽያፐ ቦንቃ አካና። 13 ሄዋካ ቃይ ካዉተ ኡባ አፐ ዳፋ አክከ፤ ታ ቆማ ዳዊታ ድራዉነ ታን ዶሬዳ ካታማ የሩሳላመ ድራዉ እት ዛርያ አዉ እማና" ያጌዳ።