2 ሳሜላ 11:2-5,14,15,17,27

2 እት ጋላሳ ኦማርስ ዳዊተ ባረ ግሱዋፐ ደንዲደ፥ ካትያ ጎልያ ቦላን ደምባዪደ ኦዳ ሳኣን ሀመቴዳ፤ ቦላ ሜጨትያ እት ምሽራቶ በኤዳ፤ ሄ ምሽራታ ዳሮ ማላ ሎአ። 3 ዳዊተ አሳ ኪቲደ፥ አ ኦነንቶ ኦሽሴዳ፤ ሄ ምሽራታ፥ "ሀና ኤሊኣማ ናቶ ሂትያ ኦርዮና ማቻቶ በርሳቤሆ" ያጌዳ። 4 ዳዊተ አሳ ኪቲደ፥ እዞ ጼስስ አህሲደ፥ እዝና አቄዳ። ሄ ዎደ ሄ ምሽራታ ፒላይ ዪደ አና፥ ጌዮ ሳና ደአዉ። ሄዋፐ ጉይያን፥ አ ባረ ሶ ስማደ ባዱ። 5 ምሽራትዉ ሻሃራይ አትና፥ ዳዊታኮ ኪታ የዳደ፥ "ታዉ ሻሃራይ አቴዳ" ያጋዱ።

14 ዎንትና ጉራ ዳዊተ እዮኣባዉ ዳብዳቢያ ጻፊደ፥ ኦርዮና ቦላ የዴዳ። 15 ዳዊተ ዳብዳቢያን እዮኣባ፥ "ኦላይ ተኡዋ ዳርያ ሳኣን፥ ስን ባጋና ኦርዮና ዎ፤ ሄዋፐ ጉይያን፥ እ ሾጨቲደ ሀይቃና ማላ፥ አ ማታፐ ክችተ" ያጌዳ።

17 ካታማ አሳቱ ከሲደ ዮኣባና ኦለትና፥ ዳዊታ ኦላንቻቱዋፐ አማራቱ ሀይቄድኖ፤ ሂትያ ኦርዮንካ ሀይቄዳ።

27 እዛ ካዮትያ ዎዲ ፖለቶዋፐ ጉይያን፥ ዳዊተ እዞ ባረ ሶ ኪቲደ አህሴዳ። እዛ አዉ ማቻቶ ግዳዱ፤ ያታደ አዉ አቱማ ናኣ የላዱ። ሽን ዳዊተ ኦዳ ኪታይ መና ጎዳ ስንን ኢታባ ግዴዳ።