ኮይሮ ላይቱዋ
1 እስራኤልያ ዛርያ ኡባቱ ዳዊታኮ ከብሮነ ካታማ ዪደ፥ "ኑን ነ አሾነ ነ ሱ። 2 ካሰ ሳኦል ኑዉ ካትያ ግዲደ ደእያ ዎደካ፥ እስራኤልያ አሳ ኦላዉ ካለዳዌ ኔና። መና ጎዳይ ኔና፥ ‘ኔን ታ አሳ እስራኤልያ ሄማና፤ ኔን ኡንቱንቱ ቦላ ካተታና’ ያግ ዎዳ" ያጌድኖ። 3 ሄዋ ድራዉ፥ እስራኤልያ ጭማቱ ኡባይ ዳዊታኮ ከብሮነ ካታማ ዬድኖ፤ እ ኡንቱንቱና ከብሮናን መና ጎዳይ ስንን ቃላ ጫቁዋ ጫቀቴዳ፤ እስራኤልያ ቦላ ካተታናዳን ዳዊታ ኡንቱንቱ ኦኬድኖ።
4 ዳዊተ ካተትያ ዎደ አዉ ሀታሙ ላይ፤ ኦይታሙ ላይ እ ካተቴዳ።5:4-5 1 ካታ. 2:11፤ 1 ኦዱዋ 3:4፤ 29:27 5 ከብሮነ ካታማን ይሁዳ ቦላ ላፑን ላይነ ኡሱፑን አግና እ ካተቴዳ፤ የሩሳላመን እስራኤልያ ኡባቱዋ ቦላነ ይሁዳ ቦላ ሀታማነ ሄዙ ላይ ካተቴዳ።
ዳዊተ የሩሳላማ ጾኔዳ
6 የሩሳላመን ደእያ ያቡሳ አሳቱዋ ኦላናዉ ዳዊተነ ዳዊታ አሳይ ቤድኖ፤ ያቡሳ አሳቱ፥ "ዳዊተ ሀ ካታማ ገላናዉ ዳንዳየና" ጊደ ቆፔድኖ። ያቲደ ኡንቱንቱ አ፥ "ኔን ሀ ሳኣ ገላካ፤ ሀራይ አቶ ሽን፥ ቆቀቱዋነ ዎባቱ ኔና ተአናዉ ዳንዳዪኖ" ያጌድኖ።5:6 ኢያሳ 15:63፤ ዳና. 1:21 7 ግዶፐነ፥ ዳዊተ ጽዮነን ደእያ ኡንቱንቱ ጌሱዋ ኦይቄዳ፤ ጽዮነ ዳዊታ ካታማ ጌተቴዳ።
9 ዳዊተ ሄ ጌሱዋ ኦይቂደ፥ ያን ደኤዳ፤ ሄ ጌሱዋ ዳዊታ ካታማ ያጊደ ሱንዳ። ዳዊተ ሚሎፐ ዶሚደ፥ ሄ ካታማ ዩሽ አደ ግምቢሴዳ።