ዮሃንሳ ሳፃ 19

ቦ ፓራ ቶጌዳዋ

11 ያትና፥ ሳሉ ዶየቴዳዋ ታን በኣድ። ሄዋን ቦ ፓራይ ደኤ፤ ሄ ፓራ ቶጌዳዌ አማነትያዋነ ቱማንቻ ጊደ ጼሰቴ። ቶጌዳዌ ጽሎተን ፕርዴነ ባረ ኦላካ ኦለቴ።✝19:11 ህዝ. 1:1፤ ማዝ. 96:13፤ ኢሳ. 11:4 12 አ አይፊ ታማ ላጩዋ ማላቴ፤ ቃይ እ ባረ ሁጲያን ዳሮ ካላቻ ዎዳ። አ ቦላ ጻፈት ኡቴዳ ሱንይ ደኤ፤ ሽን ሄ ሱንይ አየንቶነ አፐ አትን፥ ኦንነ ኤረና።✝19:12 ዳኔላ 10:6 13 እ ማዬዳ ማዩ ሱን ናቂ ከሴዳዋ። አ ሱንይካ ጾሳ ቃላ። 14 ሳሉዋ ዎታዳራቱ ቦ ጌሻ ሱፍያ ጌተትያ ክርያን ዳደቴዳ ማዩዋ ማዪደ፥ ቦ ፓራቱዋ ቶጊደ፥ አ ጌዱዋ ካሊኖ። 15 አሳ ዘረ እ ይስያ ኩሳ ማሻይ አ ዶናፐ ከሴ። ብራታ ጻምኣን አሳ እ ሞዳና። ኡባፐ ዎልቃማ ጾሳይ ባረ ሀንቁዋ ዎይንያ ኤሳይ ጉምኤትያሳን፥ ጉምኢደ በሳና።✝19:15 ማዝ. 2:9፤ ኢሳ. 63:3፤ ኢዩ. 3:13፤ ሳፃ 14:20 16 አ ማዩዋ ቦላነ አ ዎድርያ ቦላ፥ "ካታቱዋ ካትያነ ጎዳቱዋ ጎዳ" ያግያ ሱንይ ጻፈት ኡቴዳ።