ዮሃንሳ ሳፃ 5:1-6

Em outras traduções

1. DFBLVL Geeshsha Mas'aafaa

   1 Itti s’aas’etto mas’aafay*5:1 S’aas’etto mas’aafaa: Hawaa guussay warak’atan woy galbbaan s’aafetteedda s’aas’ettiyaa mas’aafaa gidiide, daro kare baggana itti woy laa"u bolla bagga galbbaan maatafay attamettee. kawutetsaa oydiyaan utteeddawaa ushechcha kushiyan de’iyaawaa be’aaddi; he s’aas’etto mas’aafay laa"u bagganakka s’aafetti utteedda; k’ay laappu maatafay Aa bolla attametteedda.✝5:1 Hiz. 2:9-10; Isa. 29:11 2 Taani itti wolk’k’aama kiitanchchay bare k’aalaa d’ok’k’u ootsiide, «Maatafaa dooyyiide, s’aas’etto mas’aafaa billanaw bessiyaa uray oonee?» yaagiide, awaayiyaawaa be’aaddi. 3 Saluwaan gidina woy sa’aan gidina, woy sa’aappe garssan*5:3 Sa’aappe garssan: Hayk’k’eeddawantta guussaa. gidina, he s’aas’etto mas’aafaa billanaw woy Aa gidduwaa s’eellanaw ooninne bessiyaawe baawa.

   4 S’aatsa mas’aafaa billanaw woy Aa gidduwaa s’eellanaw bessiyaa uray baynna diraw, taani daro yeekkaad. 5 C’imatuwaappe ittuu taana, «Yeekkoppa; be’a, Yihudaa zariyaa gideedda Gaammuu, Daawite zarii s’ooneedda. I maatafaa dooyyanawunne s’aas’etto mas’aafaa billanaw bessee» yaageedda.✝5:5 Dom. 49:9; Isa. 11:1, 10

   6 Taani kawutetsaa oydiyaappe, de’uwaan de’iyaa oyddu med’etatuwaappenne k’ay c’imatuwaappe gidduwaan, shuketteedda Dorssaa malatiide ek’k’eeddawaa be’aaddi; aw laappu kac’etuunne laappu ayfetuu de’iino. Hewanttu alamiyaa ubbaa kiitetteedda S’oossaa laappu ayyaanatuwaa.✝5:6 Isa. 53:7; Zak. 4:10

2. DWNT Novo Testamento Dawro

   1 Itti xaaxetto maxaafay *5:1 xaaxetto maxaafaa: Hawaa guussay waraqatan woy galbbaan xaafetteedda xaaxettiyaa maxaafaa gidiide, daro kare bagganna itti woy laa77u bolla bagga galbbaan maatafay attamettee. kawutethaa oydiyan utteeddawaa ushechcha kushiyan de7iyaawaa be7aaddi; he xaaxetto maxaafay laa77u baggannakka xaafetti utteedda; qassi laappu maatafay A bolla attametteedda. ✝5:1 Hiz 2:9-10; Isa 29:11 2 Taani itti wolqqaama kiitanchchay bare qaalaa dhoqqu udiide, "Maatafaa dooyyiide, xaaxetto maxaafaa billanaw bessiyaa uray oonee?" yaagiide, awaajjiyaawaa be7aaddi. 3 Saluwan gidina woy sa7an gidina, woy sa7aappe garssan *5:3 sa7aappe garssan: Hayqqeeddawantta guussaa. gidina, he xaaxetto maxaafaa billanaw woy A gidduwaa xeellanaw ooninne bessiyaawe baawa.

   4 Xaatha maxaafaa billanaw woy A gidduwaa xeellanaw bessiyaa uray baynna diraw, taani daro yeekkaaddi. 5 Cimatuwaappe ittu taana, "Yeekkoppa; be7a, Yihudaa zariyaa gideedda Gaammuu, Daawite zarii xooneedda. I maatafaa dooyyanawunne xaaxetto maxaafaa billanaw bessee" yaageedda. ✝5:5 Dom 49:9; Isa 11:1,10

   6 Taani kawutethaa oydiyaappe, de7uwan de7iya oyddu medhetatuwaappenne qassi cimatuwappe gidduwan, shuketteedda Dorssaa malatiide eqqeeddaawaa be7aaddi; aw laappu kacetuunne laappu ayfetuu de7iino. Hewanttu alamiyaa ubbaa kiitetteedda Xoossaa laappu ayyaanatuwa. ✝5:6 Isa 53:7; Zak 4:10