ዮሃንሳ ሳፃ 6:1,2,9-11

Em outras traduções

1. DFBLVL Geeshsha Mas'aafaa

   1 Dorssay laappu maatafatuwaappe ittuwaa dooyyishshin be’aaddi; k’ay shemppuwaanna de’iyaa oyddu med’etatuwaappe ittuu guuguntsaa guntsaa malatiyaa kooshshaan, «Haaya!» yaagiyaawaa, taani sisaad. 2 Taani itti bootsa paraa be’aaddi. He paraa toggeeddawe wonddaafiyaa oyk’k’eedda; k’ay aw kalachchay imetteedda. Olaa I s’ooniiddinne k’aykka s’oonanaw keseedda.✝6:2 Zak. 1:8; 6:3, 6

   9 Dorssay ichcheshentso maatafaa dooyyeedda wode, unttunttu S’oossaa k’aalaa odeedda dirawunne barenttu markkatetsan ammanetteeda diraw, shukkeedda asaa shemppuwaa yarshshuwaa yarshshiyaa saappe garssan be’aaddi. 10 Unttunttu barenttu k’aalaa d’ok’k’u ootsiide, «Ubbaa Mooddiyaa Godaw, geeshshaw, tumanchchaw, sa’aan de’iyaa asaa bolla awude pirdday? K’ay nu suutsaa awude c’igetay?» yaageeddino. 11 Unttunttoo huup’iyaan huup’iyaan bootsa mayuu imetteedda. Unttunttuwaadan hayk’k’anaw bessiyaa unttunttu laggetsaa oosanchchatuwaa payduunne unttunttu ishatuwaa payduu kumana gakkanaw, unttunttu amareeda wodiyaa takkishshana mala, unttunttoo odetteedda.

2. DWNT Novo Testamento Dawro

   1 Dorssay laappu maatafatuwaappe ittuwa dooyyishshin be7aaddi; qassi shemppuwaanna de7iya oyddu medhetatuwaappe ittuu guugunthaa gunthaa malatiyaa kooshshaan, "Haa ya!" yaagiyaawaa, taani sisaaddi. 2 Taani itti bootha paraa be7aaddi. He paraa toggeeddawe wonddaafiyaa oyiqqeedda; qassi aw akililii imetteedda. Olaa I xooniiddinne qassikka xoonanaw keseedda. ✝6:2 Zak 1:8; 6:3,6

   9 Dorssay ichcheshentho maatafaa dooyyeedda wode, unttunttu Xoossaa qaalaa odeedda dirawunne barenttu markkatethan ammanetteedda diraw, shukkeedda asaa shemppuwaa yarshshuwaa yarshshiyaasaappe garssan be7aaddi. 10 Unttunttu barenttu qaalaa dhoqqu udiide, "Ubbaa Mooddiyaa Godaw, geeshshaw, tumanchchaw, sa7an de7iya asaa bolla awude pirdday? Qassi nu suuthaa awude cigettay?" yaageeddino. 11 Unttunttoo huuphiyaan huuphiyaan bootha mayuu imetteedda. Unttunttuwaadan hayqqanaw bessiyaa unttunttu laggethaa oosanchchatuwaa payduunne unttunttu ishatuwaa payduu kumana gakkanaw, unttunttu amareedda wodiyaa takkishshana mala, unttunttussi odetteedda.