36 ሄዋፐ ጉይያን ጌዶን ጾሳ፥ "ታን እስራኤልያ አሳ አሻና ማላ፥ ኔን ታና ዶሬዳዋ ታዉ ኦዴዳዋ ግዶፐ፥ 37 በአ፥ ዛርጋ ቡክያ ኡዱማን ዶርሳ አጎዛ ታን ዎና፤ ከተርሳይ ሄ ዶርሳ አጎዛ ጻላላን ደእና፥ ቢታ ኡባይ መላ ግዶፐ፥ ኔን ኦዴዳዋዳን፥ እስራኤልያ አሳ ኔን ታ ኩሽያን አሻናዋ ታን ኤራና" ያጌዳ። 38 እ ጌዳዋዳን ሀኔዳ። ዎንተ ጋላስ ጉራ ጉራና ደንዲደ፥ ዶርሳ አጎዛ ጉምኤዳ ዎደ፥ እት ኩይጻሮ ግድያ ሃይ አፐ ከሴዳ።
39 ያትና፥ ጌዶን ቃይካ ጾሳ፥ "ሀያና ሀንቀቶፓ! ታን ኔና ጉጃደካ እት ገደ ኦቻይ፤ ዶርሳ አጎዛ ቦላ ሀራ ማላታ በሳናዳን ታን ኔና ኦቻይ። ሀእ ቃይ ዶርሳ አጎዛይ መላ ግድና፥ ቢታይ እርጺደ ከተርሳታናዳን ኡዳርኪ" ያጌዳ። 40 ሄ ጋላስ ቃማ ጾሳይ ሄ ማላታ ኦዳ። ዎንተ ጋላስ ጉራ ዶርሳ አጎዛ መላ ግድና፥ ቢታ ኡባይ እርጺደ ከተርሳቴዳ።
36 Hewaappe guyyiyaan Geedooni S’oossaa, «Taani Israa’eeliyaa asaa ashshana mala, neeni taana dooreeddawaa taw odeeddawaa gidooppe, 37 be’a, zarggaa bukkiyaa uddumaan dorssaa agoozaa taani wotsana; ketterssay he dorssaa agoozaa s’alaalan de’ina, biittaa ubbay mela gidooppe, neeni odeeddawaadan, Israa’eeliyaa asaa neeni ta kushiyan ashshanawaa taani erana» yaageedda. 38 I geeddawaadan haneedda. Wonttetsa gallassi guura guuraanna denddiide, dorssaa agoozaa gum"eedda wode, itti kuyis’aaro gidiyaa haatsay aappe kesseedda.
39 Yaatina, Geedooni k’aykka S’oossaa, «Hayanaa hank’k’ettoppa! Taani neena gujjaadekka itti gede oochchay; dorssaa agoozaa bolla hara malaataa bessanaadan taani neena oochchay. Ha"i k’ay dorssaa agoozay mela gidina, biittay irs’s’iide ketterssattanaadan udaarikkii» yaageedda. 40 He gallassi k’amma S’oossay he malaataa ootseedda. Wonttetsa gallassi guura dorssaa agoozaa mela gidina, biittaa ubbay irs’s’iide ketterssatteedda.
+581 estão orando agora.
Junte-se à corrente de oração.