Hizik'k'eela 9

4 Aa hawaadan yaageedda; «Yerusaalame katamaa gidduwaa baade, yaan oosettiyaa is’s’eteedda eek’aa goynnuwaa diraw, ooliiddinne kayyottiide de’iyaa asaa som"uwaan mallaa wotsa» yaageedda.✝9:4 Sas'. 7:3; 9:4; 14:1

5 Taani sisishshin, I haratuwaakka hawaadan yaageedda; «Aa geeddo kaalliide, katamaa gidduwaa aad’d’iidde wod’ite! Ittuwaanne ashshoppite; oossinne k’arettoppite. 6 C’imatuwaa, wodallatuwaanne wodorotuwaa, mac’c’a asatuwaanne naanatuwaa ubbaakka shukkite; shin som"uwaan malay de’iyaa asaa oonanne bochchoppite. Wod’uwaa ta Geeshsha Golliyaan doommite» yaageedda. Unttuntta wod’uwaa Geeshsha Golliyaa sintsaan ek’k’eedda c’imatuwaan doommeeddino.