Isiyaasa 20

Gibs’e Bollanne Top’p’iyaa Bollaa Odeteedda Timbbitiyaa

1 Asoore gadiyaa Kaatii Sarggooni kiitteedda olaa gadaaway yiide, Ashddooda giyaa Piliss’s’eema katamaa oliide oyk’k’eedda laytsi, 2 he wode Med’inaa Goday Amoos’a na’aa Isiyaasa hawaadan yaageedda; «Ba; ne bollappe maak’aa k’aara; ne gediyaappekka ne c’aammaa kessa» yaageedda; Isiyaasi S’oossay geeddawaadan haniide, kallo s’iiranne mela gediyaan hametteedda.

3 Med’inaa Goday hawaadan yaageedda; «Ta k’oomay Isiyaasi Gibs’enne Toop’p’iyaa bollan gakkiyaabaw malaataa gidana mala, heezzu laytsaa kallo s’iiranne mela gediyaan hametteedda. 4 Hewaadan Asoore kaatii, Gibs’eppe omoodetteeddawanttanne Top’p’iyaappe betiide keseeddawantta kallo s’iiranne mela gediyaana, dulliikka kallo de’ishshin laaggi, Gibs’e yeellaw afana. 5 Toop’p’iyaan ammanettiyaawanttunne Gibs’en c’eek’ettiyaawanttu yayyiide yeellatana. 6 Abbaa matan de’iyaa Asay he gallassi hawaadan yaagana; ‹Be’ite, nuuni Asoore kaatiyaappe attanaw maaddiino giide nu hidootaa wotseeddanne unttunttukko bak’ateedda asaa bolla hawe gakkeedda; yaatina, nuuni waan attanaw danddayeettoo?› yaagana» yaageedda.