S’oossay K’iiroosa Kaatiyaa Kessanaw Dooreedda
1 Med’inaa Goday okkeeddawoo, kawutetsatuwaa aw moodisana mala, kaatetuu danc’c’uwaa billana malanne penggiikka aw Aa sintsan dooyettana mala, Aa ushechcha kushiyaa oyk’k’eedda K’iiroosaw S’oossay hawaadan yaagee; 2 «Taani ne sintsanna baana; deretuwaa dembbayana. Nahaasiyaa birataa sank’k’atuwaa mentsana; birataa kulbbotuwaakka k’ans’s’ana. 3 Neena ne suntsan s’eesiyaawe taana Med’inaa Godaa, Israa’eeliyaa S’oossaa gidiyaawaa neeni erana mala, taani new d’uma sa’aan de’iyaa ak’uwaanne geeman k’osettiide duretaa immana.