Paulus sien Breef aun de Efeesa 5

25 Jie Mana, leeft june ieejne Frues, soo aus uk Christus de Jemeent jeleeft un sikj selfst fa ar hanjejäft haft, 26 om daut Hee ar kunn heiljen un reinjen derch daut Wauschen von Wota derch daut Wuat, 27 soo daut Hee ar fa sikj selfst mucht doastalen, eene veharlichte Jemeent, dee nich eene Plak ooda Veknutschtet ooda irjent soowaut haft, oba daut see mucht heilich sennen un onen Fäla. 28 Jrod soo sellen uk de Mana äare ieejne Frues leewen, soo aus äare ieejne Kjarpasch; wäa siene ieejne Fru leeft, dee leeft sikj selfst.