Efésios 6

Gott sien gaunzet Jescherr

10 Tolatst, miene Breeda, siet stoakj em Harn un en de Macht von siene Krauft. 11 Trakjt junt Gott sien gaunzet Jescherr aun, soo daut jie bestonen kjennen jäajen de lestje Wäaj vom Diewel. 12 Wiels ons Kaumf es nich jäajen Fleesch un Bloot, oba jäajen Ferschtentiema, jäajen Jewaulten, jäajen de Harscha von de Diestanis von dise Welt, jäajen jeistliche Boosheit en himlische Städen. 13 Doawäajen nämt Gott sien gaunzet Jescherr, daut jie aun däm beesen Dach wadastonen kjennen un aules jedonen haben, stonen to bliewen. 14 Soo stot nu, june Hoften met de Woarheit omjeschnalt un aunjetrocken met daut Brostschilt von de Jerajchtichkjeit 15 un aun de Feet jeschoot met daut Reedsennen vom Evangelium von däm Fräd. 16 Äwa aules oba nämt daut Schilt vom Gloowen opp, met woont jie aul de fieeje Feilen von däm Beesen utlaschen kjennen. 17 Un nämt dän Schutzhelm von de Radunk un daut Schwieet vom Jeist, woont Gott sien Wuat es. 18 Un bät to aule Tiet met aulem Jebäd un Bedden em Jeist, un hiatoo woakt met aulem Aunhoolen un Bedden fa aul de Heilje