प्रकाश 13

16 यी दोसुर दैँतुरवा महत्त्वपूर्ण और महत्त्व नै रहल, धनी और गरिब, गुलाम रहल मनै और गुलाम नै रहल मनै रहिँत। अथवा ऊ सक्कु मनैनहे मजबुर करदेहल कि ओइने सुरुक दैँतुरवक नाउँ अपन दाहिन हाँथेम या अपन लिल्हारीम छपाइँत। 17 उ मनै किल कुछु चिज किने या बेँचे सेकिँत, जेनकेमे यी छाप लागल रहिन। उ छाप सुरुक दैँतुरवक नाउँ या ओकर नाउँहे जनैना एकथो संख्या रहे। 18 यी चिन्हक व्याख्या करक लग तुहुरिन्हे बुद्धिमानीसे सोँचे परी। पर जेकर थेन ज्ञान बा, ऊ यिहिहे पता लगाई सेकदारी कि यी दैँतुरवक संख्यक मतलब का हो। काकरेकी यी संख्या एकथो मनैयक नाउँ हो। यी संख्या छे सौ छ्यासट्ठी (६६६) हो।