Psalmaro 139

13 Ĉar Vi kreis mian internaĵon,

Formis min en la ventro de mia patrino.

14 Mi gloras Vin, ĉar mi estas mirinde kreita;

Mirindaj estas Viaj kreitaĵoj,

Kaj mia animo tion bone konscias.

15 Ne estis kaŝitaj antaŭ Vi miaj ostoj,

Kiam mi estis kreata en kaŝiteco,

Kiam mi estis formata en la profundo de la tero.

16 Mian embrion vidis Viaj okuloj,

Kaj en Via libro estis enskribitaj ĉiuj tagoj destinitaj,

Kiam ankoraŭ eĉ unu ne ekzistis.

17 Kiel grandvaloraj estas por mi Viaj pensoj, ho Dio!

Kiel granda estas ilia nombro!