Ku yi Nkyiaku Mbo Kyakyawu
1 Yayuwa, nde ku geni nseda yaa yi lepi, Oku de ku mani Aworo Mirikisi ku kuma nshi zo a turiki kyakyawu. Sede ku kone kiya ku, kede oku ma du ku puari a siki lepi. 2 Nde nseda ku ma a siki Genbeki, dole na ku sua yi nto a kwanki ni, ku yi yomu na kwa sika doka Yesu Kiristi. 3 Nde nseda ma geni kiya e yi kankye e ma mbodaa na kuma e ma mbodaa na ba, yaa shishirigye kiya e yi naka. 4 Sede kowoni nse e gwada anki e yi de e geni. Nde e man kyawu se e yobo kiya e yi, ba se e gwada kiya e yi nja nseda ba. 5 Sobon yomu kowoni nse e zi loni keyi yi.