Jonas 3

5 Neneweki ardi Yoonaasi kuleexxa Mageniinxa erga addate; agabo goddo he’naashsha mudhdhine; shixxookenaa’ni lumoki qico’ni yaaddotixxa seemma oddo’we; tenneenna asseechchi aadde aageexxa ege’nishateeten.✝3:5 Mat. 12:41; Luq. 11:32.

6 Nenewe galchammaki moyanji of’lammaxxe mootenaa’ni dirreexxi mootummattixxa seemma fulchedhe yaaddotixxa seemma oddo’we sararo duwwike’ni ofo’le. 7 Isinna Neneweke ardi’a «Moyanjokenaa’ninna mootolletenaa’ni sa’emmake ajajishshanni hori, manji mitteechchonna afo’iki maqoqqe; wode’ekanna midde ha’wwoqqe; 8 Manji duuchchi yaaddotixxa seemma oddo’owwaal; horeke’ninna yaaddotixxa seemma oddeessowwaal; mitti mittiniingi qalbeti Mageniinbaa raarowwaal; elobaaka adaba isikanna fuggoxxa huje isixxa waalowwaal. 9 No’o ba’nabe’noshsha Mageni marareexxi dedha jabaxxe mufe isixxenaa’ni higguu ayete ege’ne?» hine lassinaashsha ajaje.

10 Mageni Neneweki ardi assaammaxxa fuggoxxa yaanenna elobaaka adaba isika waale higeexxa uude; tennexxee marareexxi mufeti insa’ne bira waale.