10 ሃና ዳሮ አዛንዳ ግሾ ጫመታዳ ዬካሸ ጎዳ ዎሳሱ። 11 እያ ሀይሳዳ ያጋዳ ቃንገታሱ፤ "ኡባፈ ዎልቃማ ጎዳዉ፥ ታና ነ አይልዉ በአ። ታ መቱዋ በአዳ፥ ታና ሀሳያ፤ ታና ነ አይልዉ ዶጎፓ። ኔኒ ታዉ ነ አይሌስ አደ ናአ እምኮ፥ እያ ደኦ ላይ ኡባን ታኒ እያ ነዉ እማና፤ እያ ሁጰይ ፖሎ ሜደተና" ያጋሱ።
15 ሃን ዛራዳ፥ "ታ ጎዳዉ፥ ግደና፤ ታኒ ዳሮ አዛንዳ ማጫስ፤ ታኒ ታ ሸምፑዋፈ ጎዳ ዎሳይስፐ አትሽን፥ ዎይነ ዎይኮ ማይያ ኡሹ ኡያብከ።
17 ኤል ዛሪድ፥ "ሳሮ ባ፤ ኔኒ ዎስያባ እስራኤለ ፆሳይ ነዉ እሞ" ያግስ።
20 እያ ቃንታዳ አደ ናአ የላሱ። ሃና፥ "ታኒ ጎዳ ዎስን እ ታና ስእስ" ጋዳ እያ ሱን ሳሜላ ሱንሱ።
10 Haanna daro azzanida gisho cametada yeekashe Godaa woossasu. 11 Iya haysada yaagada qangetasu; "Ubbaafe Wolqaama Godaw, tana ne aylliw be7a. Ta metuwa be7ada, tana hassaya; tana ne aylliw dogopa. Neeni taw ne ayllees adde na7a immiko, iya de7o laytha ubban taani iya new immana; iya huuphey polo meedetenna" yaagasu.
15 Haanni zaarada, "Ta Godaw, gidenna; taani daro azzanida maccas; taani ta shempuwafe Godaa woossaysipe attishin, woyne woyko mathoyiya ushshu uyabike.
17 Eeli zaaridi, "Saro ba; neeni woossiyaba Isra7eele Xoossay new immo" yaagis.
20 Iya qanthatada adde na7a yelasu. Haanna, "Taani Godaa woossin I tana si7is" gada iya sunthaa Sameela sunthasu.
+581 estão orando agora.
Junte-se à corrente de oração.