1 ሳሜል ሳኦላኮ፥ "ባ አሳ እስራኤለ ቦላ ኔኒ ካዎታናዳ ትያና መላ ጎዳይ ኪትዳይ ታና። ሄሳ ግሾ፥ ጎዳ ቃላ ስአ። 2 ኡባፈ ዎልቃማ ጎዳይ ሀይሳዳ ያጌስ፤ ‘እስራኤለት ግብፀፈ ከይድ ያ ዎደ አማለቃት ኦገን ኤንታራ ኤቀትዳ✝15:2 ከሳ 17:8-14፤ ዛረ 25:17-19. ግሾ ታኒ አማለቃታ ሴራና። 3 ሀእ ባዳ አማለቃታ ሾጫ፤ ኤንታዉ ደእያባ ኡባ ፖሎ ይሳ። ኤንታ አሾፋ፤ ማጫነ አደ፥ ናይታነ ዮጋ ናይታ፥ ሚዝነ ዶርሰ፥ ግማለነ ሀረ ኡባ ዎ’ " ያግስ።

4 ሳኦል አሳ ፄግድ፥ ፀላመ ጌተትያ በሳን ታይብስ። ታይብያ ዎደ እስራኤለፐ ናምኡ ፄቱ ሙኩሉ ቶሆ ኦላንቾታ፤ ይሁዳፐ ታሙ ሙኩሉ አስ ደምስ። 5 ሳኦል አማለቃታ ካታማ ብድ እስ ሻፋን ቆሰትድ ኡትስ። 6 ሳኦል፥ "እስራኤለት ግብፀፈ ከይያ ዎደ ህንተ ኤንታዉ ኬህዳ ግሾ ታኒ ህንተና አማለቃታራ እስፈ ይሶና መላ ደንድድ ኤንታ ግዶፈ ከይተ" ያግድ ቄና አሳስ ኦድስ። ያትን ቄና አሳይ አማለቃታ ግዶፈ ከይድ ብዶሶና።

7 ሳኦል አማለቃታ ሀውላፐ ዶምድ፥ ግብፀፈ ዶሎሀ ባጋን ደእያ ሹራ ጋካናዉ ሾጭስ። 8 አማለቃታ ካዋ አጋጋ ፓፃ ድእስ፤ እያ አሳ ኡባ ማሻን ዎድ ዉርስስ። 9 ሽን ሳኦልነ እያ ኦላንቾት፥ አጋጋነ ሎኦ ዶርሳታ፥ ሚዛታ፥ አንቃራ ማራታነ ማራዘታ፥ ሄሳዳካ ሀራ ሎኦባታ ኡባ አሽዶሶና። ኤንቲ ሀይሳታ ፖሎ ዎናዉ ኮይቦኮና፤ ሽን ኤንቲ ላፋታነ ፓናይሳታ ይስዶሶና።

10 ጎዳይ ሳሜላኮ፥ 11 "ሳኦል ታና ካለይሳ አግድ፥ ታ ኪታ ናግቦና ግሾ፥ ታኒ ሳኦላ ካዎዳይሳን ቂሮታስ" ያግስ። ሳሜል ሄሳ ስእዳ ዎደ ኡንኤትድ ቃማ ኩመ ጎዳኮ ዋስስ።

12 ሳሜል ዎንታ ጉራ ደንድድ፥ ሳኦላራ ጋሄታናዉ ብስ። ሽን አሳይ፥ "ሳኦል ቃርመሎሳ ካታማ ብድ፥ ያን ባና ሀሳይስያ ሀዉልተ ኤስዳፐ ጉየ፥ ጋልጋላ ዎስ" ያግድ ኦድዶሶና።

13 ሳሜል ሳኦላ ደምዳ ዎደ ሳኦል ሳሜላኮ፥ "ጎዳይ ነና አንጆ፤ ታኒ ጎዳ ኪታ ፖላስ" ያግስ።

14 ሽን ሳሜል ሳኦላኮ፥ "ያትን፥ ሀ ታኒ ስእያ ዶርሳ ዋሶይነ መሄ ዋሶይ አይቤ?" ያግስ።

15 ሳኦል፥ "ኦላንቾት ሀይሳታ አማለቃታፐ ኤህዶሶና፤ ኤንቲ ጎዳስ፥ ነ ፆሳስ ያርሻናዉ፥ ኡባፈ ሎእያ ዶርሳታነ መሄታ አሽዶሶና፥ ሽን ሀራታ ኡባ ይስዳ" ያግስ።

16 ሳሜል፥ "አነ አጋጋ፤ ጎዳይ ዝነ ቃማ ታዉ ኦድዳባ ታ ነዉ ኦዳና" ያግስ።

ሳኦል፥ "ኤሮ ኦዳ" ያግስ።

17 ሳሜል ዛሪድ፥ "ነ አይፈ ስንን ነ ጉ ግድኮካ፥ እስራኤለ ዘረስ ካዎ ግዳብኪ? እስራኤለ ቦላ ካዎታና መላ ጎዳይ ነና ትይስ። 18 ጎዳይ፥ ‘ኔኒ ባዳ ኢታ ግድዳ አማለቃታ ኩመ ይሳ፤ ኤንቲ ዉራና ጋካናዉ ዎ’ ያግድ ኪትስ። 19 ያትን፥ አይስ ጎዳስ ኪተታብኪ? ድኦስ ያረታዳ ጎዳ ስንን አይስ ኢታባ ኦዲ?" ያግስ።

20 ሳኦል፥ "ታኒ ጎዳስ ኪተታስ፤ እ ታና ኪትዳይሳዳ ባዳ አማለቃታ ዎ ዉርሳስ፤ ኤንታ ካዋ አጋጋ ኤሀስ። 21 ሽን ኦላንቾት ድኡዋፐ ሎእያ ዶርሰነ መህያ ጎዳስ፥ ነ ፆሳስ፥ ጋልጋላን ያርሻናዉ ኤህዶሶና" ያግስ።

22 ሳሜል፥ "ጎዳይ ባ ቃላስ ኪተተይሳን ኡፋይተይሳ መላ ፁሳ ያርሾንነ ሀራ ያርሾን ኡፋይቲ? ሄኮ፥ ኪተተ ያርሾፈ አስ፤ እያ ስስ ዶርሳ ሞ ያርሸይሳፈ አስ። 23 ጌላተ ማሮ ናጋራ መላ፤ ቃስ ኦቶሮይ ኢታ ኤቃ ጎይኖ መላ። ኔኒ ጎዳ ቃላ እፅዳ ግሾ ጎዳይ ነ ካዎ ግዶና መላ እፅስ" ያግስ።

24 ሳኦል፥ "ታኒ ናጋራ ኦስ፤ ጎዳ ኪታነ ነ ቃላ ቶቻስ። ታኒ አሳስ ያይዳ ግሾ ኤንቲ ግዳባ ኦስ። 25 ሀእ ታ ናጋራ አቶ ጋርክ፤ ታኒ ጎዳ ጎይናና መላ ታራ የርክ" ያግስ።

26 ሳሜል፥ "ታኒ ኔራ ስማዳ ቢከ፤ ኔኒ ጎዳ ቃላ እፅዳ ግሾ ነ እስራኤለ ቦላ ካዎ ግዶና መላ ጎዳይ እፅስ" ያግስ።

27 ሳሜል ባናዉ ደንድን፥ ሳኦል እያ ማኡዋ ማጫራ ኦይክን፥ ማኦይ ዳከትስ። 28 ሳሜል፥ "ጎዳይ ሀች እስራኤለ ካዎተ ኔፐ ዳክድ ኔፐ ሎእያ ሀራ አሳስ እሚስ። 29 እስራኤለ ቦንቾይ፥ ፆሳይ ዎርዶተና ዎይኮ ባ ቆፋ ላመና፤ ባ ቃላ ላማናዉ እ አስ ግደና" ያግስ።

30 ሳኦል፥ "ታኒ ናጋራ ኦስ፤ ሽን ታ ቢታ ጭማታ ስንንነ እስራኤለ አሳ ስንን ታና ቦንቻ። ታኒ ጎዳ፥ ነ ፆሳ ጎይናና መላ ታራ የርክ" ያግድ ዎስስ።

31 ሄሳ ግሾ፥ ሳሜል እያራ እስፈ ብን፥ ሳኦል ጎዳ ጎይንስ።

32 ሳሜል፥ "አማለቃታ ካዋ አጋጋ ታኮ ኤህተ" ያግስ።

አጋግ ኮኮርሸ*15:32 ኮኮርሸ፦ ዎይኮ ቃሸትድ ሳሜላኮ ይድ፥ "ቱማ ሀይቆይ ሀይሳዳ ጫሚ?" ያግስ።*15:32 ቱማ ሀይቆይ ሀይሳዳ ጫሚ ቱማ ታ ሀይቃናዉ በሰና

33 ሳሜል አጋጋኮ፥ "ነ ማሻይ ማጫሳ ናይታፐ መላ አሽዳይሳዳ ነ አያካ ማጫሳ ግዶን ናይታፐ መላ አታና" ያግስ። ሳሜል አጋጋ ጎዳ ስንን ጋልጋላን ቃንፀረስ።

34 ሳሜል ደንድድ፥ ራማ ብስ፤ ሳኦልካ ባ ሶ ግብአ ብስ። 35 ሳሜል ሀይቃና ጋካናዉ ሳኦላ በአናዉ ስሚድ ብቤና፥ ሽን ሳሜል ሳኦላ ግሾ ዬክስ። ሳኦላ እስራኤለ ቦላ ካዎ ኦዳይሳስ ጎዳይ አዛንስ።