1 He wode neni,

«Abeet GODAWU,

kase ne ta bolla hanqettadasa;

ha7i gidikko neni

ne hanqozappe simmada

tana minththeththida gishshas

ta nena sabbays.

2 ‹Be7ite, Xoossay ta atoteththa;

tani izan ammanettiza

gishshas babbike;

GODAY, Xoossay taas

minoteththinne yeththa;

ta atoteththay iza› gaandasa.✝

3 Paththiza ta pulttotappe

haath ufayssan duuqqandeta.

4 He wode intte GODAA galatite!

Iza sunththaaka xeygite.

Izi ooththidayssa kawoteththata

giddon erisite.

Iza sunththay dhoqqu dhoqqu

gidayssa awajjite.

5 GODAY gita ooso

ooththida gishshas

izas yexxite.

Hessi kumeththa alames eretto.

6 Intte giddon diza Isra7eele

Geeshshay gita gidida gishshas

Xiyoone asawu ilili giite;

ufayssankka yexxite» gaandeta.