Isaías 43

Xoossa Deraa Ashshizaade

1 Ha7i gidikko Yaaqoobe,

nena medhdhiday,

Isra7eele! Nena giigsida GODAY,

«Tani nena

wozzida gishshas yayyofa.

Tani nena ne sunththan xeygadis;

neni taassa.

2 Neni haaththa giddora pinniza wode,

tani nenara gidana.

Neni pinnishin

shaafay nena mittenna;

neni tama giddora bishin

nena xuuggenna;

tama lacoykka nena meenna.

3 Gaasoykka tani GODAA ne Xoossay,

Isra7eele Geeshshay nees dhale;

Ta ne gishshas

Gibxe wozzo immana;

Tophphiyanne Seeba

ne gishshas aaththa immana.