Daniel 12

आखरी को टेम

1 "उही टेम मीकाएल नामको उ राज को बडो मुखिया, जो तरा दुनियाहोन को पक्ष करन खे खडा ऱ्हेस हइ, उ उठे. तब असो मुसीबत को टेम हुये, जसो कोय जात का पइदा होना का टेम से लिखे अब तक कभी नी हुयो, नी हुये; पन उ टेम तरा दुनियाहोन मे से जतना को नाम परमेश्वर कि लिखन किताब मे लिख्या हुया हइ, वे बची निकले.✝12:1 मत्ती 24:21; मरकुस 13:19; प्रकाशन 7:14; 12:7 2 जो जमिन का निचे*12:2 धुलि कि जमिन मे सोयो ऱ्हीहे ओमे से भोत सा दुनिया जागी उठे, कतना तो हमेशा का जीवन का लिये, अरु कतना अपनी नामधराइ अरु हमेशा तक अत्यन्त घिनोनो ठहरन का लिये. 3 तब ज्ञानीदुन्या कि चमक आकाशमण्डल का जसो हुये, अरु जो भोतजन खे धर्मी बनास हइ, वे हमेशा तारहोन का जसा प्रकाशमान ऱ्हीहे.