Êxodo 18

17 मूसा का सुसरा ने ओकासे बोल्यो, "जो काम तु करस हई उ अच्छो नी. 18 अरु येका से तुम अरु, या दुनिया भी जो तरा संग हई निश्चय थकी जाये, क्युकी यो काम तरा लिये बोत भारी हई; तु येखे ऐखेलो नी करी सखे.*18:18 गिनती 11:14 व्यवस्थाविवरन 1:9 19 अब मरी सुनी ले, मी तोखे सम्मति दियुस हई, अरु यहोवा तरा संग ऱ्हीहे. तुम या दुनियाहोन का लिये यहोवा का सम्मुख जानु, अरु येका मुकद्दमा खे यहोवा का पास तु पोचय दियो कर. 20 तुम उन खे विधि अरु व्यवस्था शिखानू अरु, जो रस्ता पर यनखे चला, अरु जो-जो काम इनखे करनो हई, यो इनखे समझय दियो कर. 21 फिर तुम सब दुनियाहोन मे से असो इन्सान खे छाटी लेनु, जो गुणी, अरु परमेश्वर को डर माननवालो, सच्चो, अरु अन्याय को लाभ से घृणा करनवालो हई; अरु ओखे हजार-हजार, सौ-सौ, पचास-पचास, अरु दस-दस इन्सानहोन ग्रुप पर अधिकारी होन न्यायी नियुक्त करी दे. 22 अरु वे सब टेम ये दुनियाहोन को न्यान कऱ्यो कर; अरु सब बडा-बडा मुकद्दमा खे ते तरा पास लिखे लायो कर, तब तरो बोझ हलको हुये, क्युकि यो बोझ खे वे भी तरा साथ उठाये. 23 अगर तु यो उपायो कर, अरु यहोवा तोखे असो आज्ञा दे, ते तु ठहर सक्ये, अरु ये सब दुनिया अपना अपना जगा पर कुशल से पोची सक्ये."