17 "ଇଶ୍ୱର୍ କେତିତଣ୍ଡ୍, ‘ତେରାନ୍‍ ଦିନାତେ ଇୱୁ ସାରେ ଗଟେମ୍ ଆଦ୍‍ତେ, ନାନ୍‍ନେ ସାରେତଡ଼ାଗ୍ ନାୱାଦ୍ ମେନ୍ଦୁଲ୍‍ତିଙ୍କ୍‍ ଆତ୍ମା ବର୍ତ୍ତି ମାଡ଼ିତାନ୍ । ମିଇ ମାର୍‍କ୍ ନୁ ମାୟାସ୍କ୍ ନାୱାଦ୍‍ ସୁସମାଚାର୍‍ କେତିତା । ମିୱଡ଼୍ ଲେୟଡ଼୍ ଦିବ୍ୟ ଦର୍ଶନ୍ ଦର୍‍କିତ୍ ନୁ ବୟସ୍କା ନାରୁଡ଼୍ ସାପ୍ନା ଉଡ଼ିତଡ଼୍ । 18 ଆ, ନା’ ଦାସ ନୁ ଦାସୀଡ଼୍ ଲୋପେ ନାନ୍ ନାୱାଦ୍ ଆତ୍ମା ହସ୍ପିତାନ୍, ଅଡ଼୍‌ ନାୱାଦ୍ ସୁସମାଚାର୍‍ ପ୍ରଚାର୍ ମାଡ଼ିତଡ଼୍ । 19 ନାନ୍ ସ୍ୱର୍ଗତାଗ୍ ନାର୍‍ଗେ ଆଦ୍‍ବୁତ୍‌ ପାଡ଼୍‍ୟି; ମେଣ୍ଡେ ପୃତିବିତାଗ୍ ନାର୍‍ଗେ ଚିଏନ୍ନେ ତଅତିତାନ୍ । ଆଗେ ନେତୁର୍‍, କିସ୍ ନୁ ଗାଟି ଉମ୍‍ମେ ବର୍ତ୍ତି ଆଦ୍‍ତେ । 20 ପ୍ରବୁନାଦ୍ ମହାନ୍ ନୁ ଗୌରବ୍ ଦିନାମ୍ ଏୱୁଦାନ୍ ମୁନେଙ୍କ୍ ପଡ଼୍‍ଦ୍ ଇକାଡ଼୍‍ ତଅନ୍‌ଦିତ୍‍ ନୁ ନେଲ୍‍ଞ୍ଜ୍ ନେତୁର୍‍ ଲେକାମ୍ ଏର୍‍ରେ ରଙ୍ଗ୍ ଆଦ୍‍ତେ । 21 ଆସୁଟେ ବେନଆଇ ପ୍ରବୁନ୍ ପେଦେର୍‍ତେ ପ୍ରାର୍ତନା ମାଡ଼ିତନ୍, ଅଣ୍ଡ୍‌ ପରିତ୍ରାଣ୍ ପାଏମ୍‍ ଆଦ୍‍ତଣ୍ଡ୍ ।"