ସାରେ ବିଷୟ୍ତିଙ୍କ୍ ତିଆର୍ ଆତ୍ତେ ସମୟ୍
1 ସାରେ ବିଷୟ୍ତିଙ୍କ୍ ସମୟ୍ ମିନ୍ଦେ ନୁ ମାବ୍ତେ ମଦଲ୍ ସାରେ ପାଡ଼ିୟ୍ଦେ ସମୟ୍ ମିନ୍ଦେ; 2 ଜନମ୍ ଆଦାନ୍ ସମୟ୍ ନୁ ଡଲାନ୍ ସମୟ୍; ଉର୍ସ୍କାନ୍ ସମୟ୍, ବାତ୍ତେ ଉର୍ସ୍କ୍ତାଦ୍, ଆୱ୍ ତାହ୍ଃକାନ୍ ସମୟ୍; 3 ଆୱ୍କାନ୍ ସମୟ୍ ନୁ ସାୟେ ମାଡ଼ାନ୍ ସମୟ୍; ଉହ୍ଃତାନ୍ ସମୟ୍ ନୁ ତିଆର୍ ମାଡ଼ାନ୍ ସମୟ୍, 4 କେୟାନ୍ ସମୟ୍ ନୁ କାୱ୍ଦାନ୍ ସମୟ; ଗୁଣ୍ଡ୍ତିଙ୍କ୍ ରେଃସ୍ କେୟାନ୍ ସମୟ୍ ନୁ ଏନ୍ଦାନ୍ ସମୟ୍; 5 କାଲ୍ବଦେ ୱାଟାନ୍ ସମୟ୍ ନୁ କାଲ୍ବଦେ ଗୁଡ଼୍ପାନ୍ ସମୟ; ଉର୍ଙ୍ଗାନ୍ ସମୟ୍ ନୁ ଉର୍ଙ୍ଗିୱିଡ଼୍ସାନ୍ ସମୟ୍, 6 ମେଃକାନ୍ ସମୟ୍ ନୁ ମାପାନ୍ ସମୟ୍; ନେଃତାନ୍ ସମୟ୍ ନୁ ଏସାନ୍ ସମୟ୍; 7 ଇକାନ୍ ସମୟ୍ ନୁ ଅଲ୍ସାନ୍ ସମୟ; କଟ ମାନ୍ଦାନ୍ ସମୟ୍ ନୁ ଗଟି କେତାନ୍ ସମୟ୍; 8 ପ୍ରେମ ମାଡ଼ାନ୍ ସମୟ୍ ନୁ ପାସ୍କାନ୍ ସମୟ; ଯୁଦ୍ଦ୍ ମାଡ଼ାନ୍ ସମୟ୍ ନୁ ଶାନ୍ତିତେ ସମୟ୍ ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)