Resultados da busca por "fé"

8Te, Josep agiglema ya yobama ya ye nem kidagl nem agiglema ama Josep bogl akie eigwa. Ye mudu eigwa ba ye gagro kebra ya kau ya meme ya sipsip kiglkwa i ta i pikre, dumo Gosen kanige erikwa.

19Yegl digwa ba Josep di ikne ede, yegl dugwa, Ene kudugl goglkrio! Na God moglkrika pre na ene mabuno kide erimara ere ikne ede tekraglka.

20Ene na mabuno kide ere naramnedi prikwa ba God ye taragl wakai ta plau dinabedi kanige erukwa. Taragl wakai ta plau dinabedi prukwa i, nono erme kamga. Yoba mere kide goglkre, kor meglkwa.

2Ene muglo meglbi ere yekitnga igne ya te, dumo makan ere yekitnga igne, ene God motnga. Ene okna ibo aimadi motnga ya te, okuo ama aimadi moratnga.

7Ene yegl eribi, God ene nomano ya deno muduno sugl moran, ene Krais Jisas erumara i pre deno muduno wida di idre, moraiglkwa. Te, deno muduno wida di ibi, yoba pre inamnedi eraiglkwa ba kuno erekrabuka.

18Te, erme ene mige moni tau Epafroditus tedre, Pol i pi to digwa i, na mudu i kodiga pre na taragl tau ama inaglka i ta paikrukwa. Ene taragl podo nare kodigwa. Te, ene mige moni narikwa i, na swara narekrikwa ba ene ama God teigo, God kan idre, wakai prukwa. Yoba tawa gagl teigo, God demene erukwa i prisre, wakai prumere mere yegl, ye ene mige moni narikwa i kandre, ama wakai prukwa.

20Ana nono Neno Kade God i, nono aimadi kamin ye kagie kade tedre, ye debie si pai moramga paugwa. Kaima.

4Nono tadaglme yugobuno mina atne mogl dinaiglmedi Jisas tadaglmeno pre goglkwa. Te, Neno Kade God ye gorabedi prumere goglkwa.

8Ene prio! No okna ene meglmara udre, Jisas kamo wakai pamere beke tomga ba yoba ta okuo udre, ka pere ta yu ene di tenan, God yoba i ere kide ere tenabedi prika. Yoba yoko mo, nono Jisas dedugwa yoba munga i mo, angelo ta heven ibo mogl, atne u dinabuka i, pra, God ye ere kide ere tenabedi prika.

24Pol moglmara God kogon podo erumedi ye kagie kade teigwa.

11Te, ene prio. Na Jisas Krais kamo yu ene di teiga i, kobuglo makandigle bogl padigl kodiga mere yegl paugwa pre yoba ta konbauna pere ta yomedi ka kor ta yu ene di tebi, kuno erekrabuka.

13Okuo ege ta yenan, God ye kogonmo yoba mudu kogon wakai erimo mo kide erimo mo i, ere kanabuka. Ye yugu siragl mere keigwa i God ere kanagledi eran, doga mere yegl u yugu i denabuka.

23Ene Krais yobama mogl kodigo, Krais ye God Nem moglmara atne moglkwa pre ene God yobama ama meglko, ye taragl mudu ene te kodugwa pre ene ye swara kagie kade teo.

6Ye nem mam pre i mitna edidre, ake ple di tenabuka i ta paikrume digwa. Ene yegl dimara i, ene enene mabunono duglo boramnedi God lomo kide kodimiwe dugwa.

7Ene ka didre, mabuno erikwa i, u kuno pikrukwa. Aisaia ye God kamo ta kep ere, ene pre boglkwa i, plau dugwa. Ye ka yegl boglkwa,

30Ame di moglko, yoba mere kide, kide kane kane sigwa auro yu ye moglmara ere wakai ere tenabedi yuigwa. Yoba ogono kaglno mawa sugwa ya kide erukwa i, yudre, yoba gumuglno kin yogwa ya ka dikrikwa i, ama mudu yu Jisas kagle mina edigo, Jisas ye ere wakai ere togwa.

2Ene ege ege God di wakai yei tedre, ye kamage ere teo. Te, ene kamage siragl mere eraiglkwa i, wakai ere kinano gudu prisre, kamage erio.

3Te, ene kamage eraiglmara i, no pre ama kamage ere norio. Ene no pre kamage ere noraiglkwa i, God konbauna ta yauro noran, no ye kamo yoba di tedre, Krais kamo okna teke paugwa i, no yoba di te pai moraiglmedi kamage erio. Krais kamo okna teke paugwa i, na di wan moglka pre na si kane sigo, kane yugu pai moglka.

15Nono agroma abaroma dumo Laodisia meglkwa i, Pol ene wakai we di tomiwe di teo. Te, abu Nimfa kipamara God yobama makai sigwa i, Pol ama wakai we di tomiwe di teo.

7Te, God ye ka dumara mina dumo makan ya kamun mitna erme paigwa i sugl moglsre, okuo doga mina ere kide eragledi di paduglkwa. God ye okuo yoba kotno prisre, yoba ta ye mokono teigwa i ere kide ere tenabuka igne i ye dumo makan ya kamun mitna doga mina ere kide erabuka.

12Te, God ege ta Yagl Kade unabedi di paduglkwa i, ene ege i tabre unabu ba di prisre, kie ere molo. Ege i unan, kamun mitna ibo ya taragl kane kane mitna ibo paigwa i, doga dedre, de kurdi ede u kide pi kodinaiglkwa.

13Ba God ka kaima di noro paduglkwa i, ye kamun mitna ya dumo makan kor ere yenagle dugwa. Te, dumo makan kor i mina mabuno du keme panabuka. Yegl pre nono kamun mitna ya dumo makan kor i, unabedi kie ere munga.

1Ana na taragl yegl mere kan kodidre, ama ta kaniga i, angelo gigledi kaima ta ama moglkwa i, heven ibo mogl, ede atne ugo, na kaniga. Angelo i, ye kamun kua kruo were moglko, te ye bre mina titokubun tebe boglkwa. Te, ye guma dra ade abuglage sumere mere yegl abuglage sugo, ye kagle koglo koglo i, doga drabie ede mitna ugwa mere yegl kaniga.

2Te, angelo i ye ogo mina buk kebra ta pogl, ake moglkwa. Angelo i ye kagle wo kra mudi nigl egrisre, te kagle koda kra dumo makan egrukwa.

10Yegl dugo, na buk kebra i idre, neiga. Na neiga igne, kaima drana mina brume nuglo mere yegl druo erukwa ba na ne atne edigo, dena biglko mina giu erukwa.

7Te, ene yubuno i, pra pra pia si God ogo mina yenaiglkwa paugwa. I siragl pre God ene mitno goglkwa yagle moglkwa.

11Ye swara yobuglomo aimadi kamin podo kide pai, pai kawa tenabuka. Kaima.

14Ene enene deno muduno ikne ikne tedre, nuguno kugro, kogl kare di io.Ana ene Krais yugobunomo suna meglkwa i, deno muduno wida di inaiglmedi prika.

2Te, ye erme sel yugu ta God yugumo kaima yomara dumo mawagl pamara i, yugugl kra God kogonmo ere moglkwa. Sel yugu kaima i, yoba ta keikrikwa ba Yagl Kade yene kegwa.

4Te, Jisas makandigle mogl pai moglma, ye tawa togwa yagl ta moglkruko. I siragl pre makandigle yoba lo dumere mere tawa te meglkwa i, ye mogl kodigwa.

7Ana ene prio. God ka okna di te paduglkwa i wakai kaima pama, God ye ka kor ta di te padragle dugwa i ta dikruko.

9Ene mie i kor nekre, nigl bogl gaglkrio! Ene mie mudu, bre ya ogo kagle ya dem muduo pra, kodo gaglsre, neo!

10Te, mie tau tagna kana nenamnedi mokade yekrio! Ene eduer i keme nebi, tau yoko yenan, gagl tege erio!

32Ene sipsip ya meme ya kau kiglkwa i ama okna dibrere idre, ede enaiglkwa. Te, na ama ene di wakai yei nariro! di, king yegl dugwa.

6Te, erme, no ene nomane inaiglmedi sugl munga. Ene tau mere nomane idre, no kano duglo beglbi, yoba swarade ta ka sede pai moraiglkwa i, no ye ere si di inamga mere yegl paugwa.

13Ba ye mabunono pamere i, no i mina kandre, kagno kade inamnedi erumun, kuno ta erekrabuka. God kogon norukwa i keme kan yubu sidre, kagno ake i mitna edinamga. Te, God kogon norukwa i, ene meglkwa.

14Te, no ene meglmara u kogon ta erekrisre, ka yoko yegl ta dumna, kuno ta erekruko. Ba ene dumo Korin meglmara i, no komna yene udre, Krais kamo wakai i, ene di tomga pre kagno pamedi prumga.

9Te, ene mabuno ta ama eraiglkwa paugwa i, agroma abaroma yogugl ta unaiglkwa i, ene i yugugl edidre, ere wakai ere tenaiglkwa paugwa. Te, ye wimara i, yubun norimiwedi ene ka kane kane dikrio. Ene gun yedre, ye ake ple di tenaiglkwa paugwa.

14Te, erme ene Krais kamo di meglkwa i pre yoba ene ka kide ta di tebi, ene ama gun yenaiglkwa paugwa. I siragl pre God Murubuglomo kagie podo kide paugwa i, ene meglmara mogl togwa.

16Ba ene Kristen meglkwa i pre yoba ene yubun ta tebi, ene agai goglkrio. Ene agai goglkre, Krais kagie mina yubun yumniwedi pre, God kagie kade teo.

2ene ege ege, God kamo di nogugl ede te pai moglo. Ege wakai mo ege kide yenabuka i, di pai moglsre, yoba aglau eraiglkwa i, ene ka tedre, mabunono ake du ede tedre, adigl gigledi moraiglmedi God kamo kuno ere beke to. Te, tabre pre ikribi, ene oglka erekro.

6Ene pro! Yoba nigl wain i pi toide ede, God teimere mere yegl, yoba na bormaina toide edibi, na goglsre, ede God moglmara enaglka i, ede magigl u kodugwa.

18Te, yoba mabuno kide kane kane ere naramnedi eraiglkwa i, Yagl Kade ama na ere i pai moglsre, na suglna wakai mogl enan, okuo ye heven ibo king morabara i, na i suna edenabuka. Ye kagie kade aimadi kamin inabuka paugwa. Kaima.

6Te, na pre kan erika i, God, ye ene deno muduno mina kogon wakai mabuno bogl erukwa i, ere kodinabedi prika. Ye ene deno muduno mina kogon ere pai mogl enan, Krais Jisas ede ikne unabiwe di, na yegl pre kan ersre, ene pre gun keme yeiga.

8Ene na dena muduna suna meglme diga i, God yene na kaima dumedi pre kan erukwa. Krais Jisas yene na moglmara kogon eruko, na ene dena muduna podo teiga pre diga.

28Te, ene erme meglkwa i, yoba ene kudano ikne mere yegl moraiglkwa i, ene kuduglno kaima ta goglkrio! Ene kuduglno goglkre, adigl gigledi meglbi, ye kandre, nomane ta inaiglkwa i, God yene ere mogl, yoba i ere idre, no ere kide ere norabuka pamiwedi, yegl pre kan eraiglkwa.

4Ede u ogo, Jisas Farisi yoba ikra yegl di prukwa, Wakan kade ege i, God lomo duglo boglsre, nono siragl eramne? Mabuno wakai eramno mo mabuno kide eramne? Te, wakan kade ege nono yoba ere inamno mo yoba si goramne? di, yegl dugwa. Yegl dugwa ba Farisi yoba i ye ka di ikne edekriko,

20Ana Jisas ede ikne kipamara ogo, yoba mere kide aglke kor ye moglmara u makai sigwa. Yoba mere kide makai si meglkwa pre Jisas ye duglo beglkwa yagl bogl kaya mokna nenaiglkwa kuno ta erekrukwa.

29ba yoba ta Mudu Murubuglo di kide yei tenan, God ye tadaglmemo i, gugl ede tekrabuka. Aimadi kamin pai morabiwe di, yegl dugwa.

4God dem muduo norsre, dumo makan ere yeikrukwa igne, ye gumuglo mina du mogl, tadaglmeno ta paikrabedi nono kere i pere ede kodugwa. Krais kogon erabara mina nono kersre,

13Te, ene Efesus yoba, yugubono pere meda meglkwa i, God kamo kaima i ene ama prikwa. God kamo kaima we diga i, God kamo wakai, ye ene ere inabuka pre dugwa i, pre diga. Ana ene ka i prisre, pre mediglkwa igne, ene ama ede u God Kere Yugwa Yagl yugobunomo mina suna wigwa. Ene pre mediglsre, ede u Jisas yugobunomo suna wigwa i, nogugl panabedi God ene muno gane mere yegl padigl togwa. Muno gane i, ye Mudu Murubuglo togwa i pre diga. Ye okna ka kaima di te padiglsre, yoba Mudu Murubuglo tenagle dugwa i, ene pre mediglkwa igne te kodugwa.

20God ye ama yobuglomo podo pamara i mina, ye Kere Yugwa Yagl Jisas ere i kor ede, agre i ede heven ibo ogwa. Agre i ede heven ibo pidre, ye kagie kade tedre, ogo wo kra ame dinabedi ere edugo, ame dugwa.

36Jisas ka yegl didre, ama yegl dugwa, Na ene di te kodiga. Ene na kanigwa ba ene na ta pre mediglkrikwa.

42Ye ka kane kane didre, ama di ikne ikne ede, yegl digwa, Yagl i, kagie Jisas, nem Josep kra. Ye nem mam kamgrawa, ye siragl mere heven ibo mogl, ede atne ugwa pre dume? digwa.

54Yoba ta na ogona nagna ya bormaina nogwa i, ye aimadi kamin kor morabuka i, i kodugwa. Te, ege okuo yenabuka igne, na ye ogo nagie ere i kor edenaglka.

13Ana King yo, ene pro! No yoba tau bogl konbo bage omgo, ermine abuglage podo kide kaima ta heven ibo si atne no omnara i edugwa. Abuglage i, ade ta sikrumere mere podo sume dugwa.

15na ye kira pogl pre, Yagl Kade yo, ene irane? diga. Yegl digo, ye di nare, Na Jisas, ene na ere kide ere nare motnga i, moluwe di, yegl dumiwe di, Pol yegl dugwa.

17Na ene dediga i, ene ede pi Juda yoba ya yoba yugobuno pere pere meglmara i enatnedi dediwe dugwa. Ene en, yoba ene ere kide ere te dinaiglmedi nana ene kugl bogl tenaluwe dugwa.