Eclesiastes 3

ବାରେତାକି ତୀରି କିହାମାନି କା଼ଲମି

1 ବାରେ କାତାତି ସମାନା କା଼ଲମି ମାନେ ଅ଼ଡ଼େ ହା଼ଗୁ ଡ଼଼ଇ ବାରେତାକି ସମାନା କା଼ଲମି ମାନେ।

2 ଜାର୍ନା ଆ଼ନି ବେ଼ଲା ଅ଼ଡ଼େ ହା଼ନି ବେ଼ଲା;

ଉହିନି କା଼ଲମି ଅ଼ଡ଼େ ଏମିନାୟି ଉହ୍‌ୱି ଆ଼ହାମାନେ, ଏ଼ଦାଆଁ ମେକ୍‌ନି କା଼ଲମି;

3 ପା଼ୟିନି ବେ଼ଲା ଅ଼ଡ଼େ ନେହିଁ କିନି ବେ଼ଲା;

ଡିକ୍‌ନି ବେ଼ଲା ଅ଼ଡ଼େ ତିୟାରା କିନି ବେ଼ଲା;

4 ଡ଼ୀନି ବେ଼ଲା ଅ଼ଡ଼େ କାକ୍‌ନି ବେ଼ଲା;

ଦୁକୁଟି ଡ଼ୀନି ବେ଼ଲା ଅ଼ଡ଼େ ଏ଼ନ୍ଦିନି ବେ଼ଲା;

5 ୱାଲ୍‌କା କୁତିନି ବେ଼ଲା ଅ଼ଡ଼େ ୱାଲ୍‌କା କୂଡ଼ିକିନି ବେ଼ଲା;

ପମ୍‌କିଆ଼ନି ବେ଼ଲା ଅ଼ଡ଼େ ପମ୍‌କିଆ଼ନି ତା଼ଣାଟି ପିସ୍‌ପିଆ଼ନି ବେ଼ଲା;

6 ପାରିନି ବେ଼ଲା ଅ଼ଡ଼େ ଜା଼କ୍‌ନି ବେ଼ଲା;

ଇଟିନି ବେ଼ଲା ଅ଼ଡ଼େ କୁତୁହ୍‌ନି ବେ଼ଲା;

7 ଗେହ୍‌ନି ବେ଼ଲା ଅ଼ଡ଼େ ରା଼ଚିନି ବେ଼ଲା;

ସାପି ଡ଼ୟିନି ବେ଼ଲା ଅ଼ଡ଼େ କାତା ଜ଼ଲିନି ବେ଼ଲା;

8 ଜୀୱୁ ନ଼ନି ବେ଼ଲା ଅ଼ଡ଼େ ଅ଼ପାଆଗାଟି ବେ଼ଲା;

ଜୁଜୁତି ବେ଼ଲା ଅ଼ଡ଼େ ହିତ୍‌ଡ଼ି ବେ଼ଲା ମାନେ।