ନିହିଁ 3

ଜିରୁସାଲମ କ଼ଟା ୱେଣ୍ତେ ତିୟାରା କିନାୟି

1 ଏ଼ ଡା଼ୟୁ କାଜା ପୂଜେରା ଇଲିୟାସିବ ଅ଼ଡ଼େ ତାମି ପୂଜେରା ତାୟିୟାଁ ନିଙ୍ଗାହାଁ ମେ଼ଣ୍ତାୟାଁ ଦୁୱେରି ତିୟାରା କିତେରି; ଏ଼ୱାରି ଏ଼ଦାଆଁ ସୁଦୁ କିହାଁ ଏମ୍ବାତି ଦା଼ରାୟାଁ କିତେରି; ହମ୍‌ମେୟା କ଼ଟା ଅ଼ଡ଼େ ହନନେଲ କ଼ଟା ପାତେକା ସୁଦୁ କିତେରି।

2 ତାନି ଦାରିତା ଜିରିହତି ଲ଼କୁ ତିୟାରା କିତେରି, ଅ଼ଡ଼େ ଏ଼ୱାରି ଦାରିତା ଇମ୍ରିତି ମୀର୍‌ଏସି ସକ୍‌କୁର ତିୟାରା କିତେସି।

3 ହସନାୟାତି ମୀର୍‌କା ମୀନୁ ଦୁୱେରି ତିୟାରା କିତେରି; ଏ଼ୱାରି ଏମ୍ବାତି ପାଟିୟାକା ଏକ୍‌ହେରି ଅ଼ଡ଼େ ଏମ୍ବାତି ଦା଼ରା ଇଞ୍ଜାଁ ସିଡ଼୍‌ତା ଅ଼ଡ଼େ ଅର୍ଗଡ଼ି କିତେରି।

4 ଇଞ୍ଜାଁ ଏ଼ୱାରି ଦାରିତା ହକସ୍‌ ତାଙ୍ଗା ମୀର୍‌ଏସି ଉରିୟ ମୀର୍‌ଏସି ମରେମତ୍‌ ତିୟାରା କିତେସି। ଅ଼ଡ଼େ ଏ଼ୱାରି ଦାରିତା ମସେସବେଲ୍‌ ତାଙ୍ଗା ମୀର୍‌ଏସି ବେରିକିୟ ମୀର୍‌ଏସି ମସୁଲମ୍‌ ତିୟାରା କିତେସି। ଅ଼ଡ଼େ ଏ଼ୱାରି ଦାରିତା ବାନା ମୀର୍‌ଏସି ସାଦକ ତିୟାରା କିତେସି।

5 ଇଞ୍ଜାଁ ଏ଼ୱାରି ଦାରିତା ତକୟ ଗା଼ଡ଼ାତି ଲ଼କୁ ତିୟାରା କିତେରି; ସାମା ଏ଼ୱାରି ଗଚିତି କାଜାରି ତାମି କାଜା ପା଼ଣାତି କାମା କିହାଲି ରା଼ଜି ଆ଼ଆତେରି।

6 ଅ଼ଡ଼େ ପସେହ ମୀର୍‌ଏସି ଜିହୟାଦା ଅ଼ଡ଼େ ବିସଦିୟା ମୀର୍‌ଏସି ମସୁଲମ୍‌ ପ୍ଣାଃଇ ଦୁୱେରି ତିୟାରା କିତେରି; ଏ଼ୱାରି ଏମ୍ବାତି ପାଟିୟାକା ମେତ୍‌ହେରି ଅ଼ଡ଼େ ଏମ୍ବାତି ଦା଼ରା, ସୀଲା ଅ଼ଡ଼େ ଅର୍ଗଡ଼ି କିତେରି।

7 ଇଞ୍ଜାଁ ଏ଼ୱାରି ଦାରିତା ଗିବିୟନିୟ ମଲାଟିୟ ଅ଼ଡ଼େ ମେରଣତିୟ ଜାଦନ ଲ଼କୁ ତିୟାରା କିତେରି, ଏ଼ୱାରି ଗିବିୟନ ଅ଼ଡ଼େ ମିସ୍‌ପା ଗା଼ଡ଼ାତି କାଜାରି ମାଚେରି, ପରାତ୍‌ କାଡା ଆତାଲାତି ମିସ୍‌ପା ଦେ଼ସା ସା଼ଲୱି କିନାଣି ଟା଼ୟୁ ମାଚେ।

8 ଏ଼ୱାଣି ତା଼ଣା କାମ୍ବାସା଼ଲିୟାଁ, ହର୍ହୟ ମୀର୍‌ଏସି ଉସିୟେଲ ତିୟାରା କିତେସି। ଅ଼ଡ଼େ ଏ଼ୱାଣି ଦାରିତା ଗାନ୍ଦା ଦିଣ୍‌ସୁତି ବେ଼ବାରାଙ୍ଗା ବିତ୍ରାଟି ହନାନିୟ ତିୟାରା କିତେସି, ଇଞ୍ଜାଁ ଏ଼ୱାରି ଅ଼ସାରା କ଼ଟା ପାତେକା ଜିରୁସାଲମ ଆ଼ଟ୍‌ୱା କିତେରି।

9 ଏ଼ୱାରି ଦାରିତା ଜିରୁସାଲମ ରା଼ଜିତି ଆଦାବା଼ଗାତି କାଜାସି ହୁର ମୀର୍‌ଏସି ରପାୟ ତିୟାରା କିତେସି।

10 ଅ଼ଡ଼େ ଏ଼ୱାରି ଦାରିତା ହରୁମପ ମୀର୍‌ଏସି ଜିଦାୟ ତାନି ଇଲୁ ଦାରିତା ତିୟାରା କିତେସି। ତାନି ଦାରିତା ହସ୍‌ବନିୟ ମୀର୍‌ଏସି ହଟୁସ୍‌ ତିୟାରା କିତେସି।

11 ହାରିମ ମୀର୍‌ଏସି ମଲ୍‌କିୟ ଅ଼ଡ଼େ ପହତ୍‌-ମୟାବ ମୀର୍‌ଏସି ହସୁବ ଏଟ୍‌କା ବା଼ଗା ଅ଼ଡ଼େ ହଲୁ ମୁଣ୍ତା ପାତେକା ତିୟାରା କିତେରି।

12 ତାନି ଦାରିତା ଜିରୁସାଲମ ରା଼ଜିତି ଆଦା ବା଼ଗାତି କାଜାସି ହଲହେସ ମୀର୍‌ଏସି ସଲୁମ୍‌ ଅ଼ଡ଼େ ତାନି ମା଼ସ୍‌କା ତିୟାରା କିତୁ।

13 ହାନୁନ୍‌ ଅ଼ଡ଼େ ସାନହତା ବାସା କିହାମାନାରି କୁପ୍‌ଲିୟାଁ ଦୁୱେରିକା ତିୟାରା କିତେରି; ଏ଼ୱାରି ଏ଼ଦାଆଁ କିତେରି ଅ଼ଡ଼େ ଦା଼ରା, ସିଡ଼୍‌ତା ଅ଼ଡ଼େ ଅର୍ଗଡ଼ିକା କିତେରି, ଅ଼ଡ଼େ ଗାତା ଦୁୱେରି ପାତେକା ର଼ ମା଼ଣା ହା଼ତା କ଼ଟାତି ଆ଼ଟ୍‌ୱା କିତେରି।

14 ଇଞ୍ଜାଁ ବେତ୍‌ ହକ୍‌କେରମ୍‌ ରା଼ଜିତି କାଜାସି ରେକବ ମୀର୍‌ଏସି ମଲ୍‌କିୟ ଗାତା ଦୁୱେରି ତିୟାରା କିତେସି; ଏ଼ୱାସି ଏ଼ଦାଆଁ କିହାଁ ଏମ୍ବାତି ଦା଼ରା ସିଡ଼୍‌ତା ଅର୍ଗଡ଼ିକା କିତେସି।

15 ଇଞ୍ଜାଁ ମିସ୍‌ପା ରା଼ଜିତି କାଜାସି କଲ୍‌ହସି ମୀର୍‌ଏସି ସଲ୍‌ଲୁନ୍‌ ଜାର୍‌ଣା ଦୁୱେରି ତିୟାରା କିତେସି; ଏ଼ୱାସି ଏ଼ଦାଆଁ କିହାଁ ପ୍ଡିକ୍‌ହେସି ଅ଼ଡ଼େ ଏମ୍ବାତି ଦା଼ରା ସିଡ଼୍‌ତା ଅର୍ଗଡ଼ିକା କିତେସି, ଇଞ୍ଜାଁ ଦାୱୁଦ ଗା଼ଡ଼ାଟି ଡ଼଼ଇକା ହାନି ପା଼ୱୁଜିକା ପାତେକା ରାଜା ବା଼ଡ଼ା ଡାଗେତି ସେଲା ବାନ୍ଦା କ଼ଟା ତିୟାରା କିତେସି।

16 ତାନି ଦାରିତା ବେତ୍‌-ସୁର ଜିଲାତି ଆଦାବା଼ଗାତି କାଜାସି ଅସ୍‌ବୁକ ମୀର୍‌ଏସି ନିହିଁମିୟା ଦାୱୁଦତି ମାହ୍‌ଣିମାଣ୍ତା ଦାରି ପାତେକା ଅ଼ଡ଼େ ତିୟାରା ଆ଼ହାମାନି ବାନ୍ଦା ପାତେକା ଅ଼ଡ଼େ ବା଼ଡ଼୍‌ୟୁ ଗାଟାରି ଇଲୁ ପାତେକା ତିୟାରା କିତେସି।

କ଼ଟା ତିୟାରା କିହାମାନି ଲେ଼ବିୟ ଲ଼କୁ

17 ତାନି ଦାରିତା ଲେ଼ବିୟ ଲ଼କୁ ଇଚିହିଁ, ବାନି ମୀର୍‌ଏସି ରହୁମ୍‌ ତିୟାରା କିତେସି। ତାନି ଦାରିତା କିୟିଲା ଜିଲାତି ଆଦାବା଼ଗାତି କାଜାସି ହସବିୟ ତାନି ରା଼ଜି ୱାକିଟି ତିୟାରା କିତେସି।

18 ତାନି ଦାରିତି ଏ଼ୱାରି ତାୟିୟାଁ ଇଚିହିଁ, କିୟିଲା ରା଼ଜିତି ଆଦାବା଼ଗାତି କାଜାସି ହେନାଦଦ ମୀର୍‌ଏସି ବବୟ ତିୟାରା କିତେସି।

19 ତାନି ଦାରିତା ମିସ୍‌ପାତି କାଜାସି ଜେସୁୟ ମୀର୍‌ଏସି ଏସର୍‌ କ଼ଟାତି ବା଼ଙ୍କା ଦାରିତି ରିଜାରି କ଼ସ୍‌କା ସାଜୁ ମାନି ଗା଼ଟି ଜିରୁ ଦାରିତି ଅ଼ର ବା଼ଗା ତିୟାରା କିତେସି।

20 ତାନି ଦାରିତା ସବୟ ମୀର୍‌ଏସି ବାରୁକ ଜାତ୍‌ନୁ କିହାଁ କ଼ଟାତି ବା଼ଙ୍କାଟିଏ ଇଲିୟାସିବ କାଜା ପୂଜେରା ଇଲୁ ଦୁୱେରି ପାତେକା ଅ଼ର ବା଼ଗା ତିୟାରା କିତେସି।

21 ଏଚେଟିଏ ହକସ୍‌ ତାଙ୍ଗା ମୀର୍‌ଏସି ଉରିୟ ମୀର୍‌ଏସି ମରେମତ୍‌ ଇଲିୟାସିବ ଇଲୁ ଦୁୱେରିଟିଏ ଇଲିୟାସିବ ଇଲୁ ରା଼ୱେତାକି ଅ଼ର ବା଼ଗା ତିୟାରା କିତେସି।

କ଼ଟା ତିୟାରା କିହାମାନି ପୂଜେରାଙ୍ଗା

22 ଇଞ୍ଜାଁ ଜିରୁସାଲମ ପାଙ୍ଗାତା ମାନି ପୂଜେରାଙ୍ଗା ତିୟାରା କିତେରି।

23 ଏ଼ୱାରି ଜେ଼ଚ ବିନ୍ୟାମିନ୍‌ ଅ଼ଡ଼େ ହସୁବ ତାମି ଇଲୁ ନ଼କିତା ତିୟାରା କିତେରି। ଏ଼ୱାରି ଜେ଼ଚ ଅନିନିୟ ତାଙ୍ଗା ମୀର୍‌ଏସି ମାସେୟ ମୀର୍‌ଏସି ଅସରିୟ ତାନି ଇଲୁ ଦାରିତା ତିୟାରା କିତେସି।

24 ହେନାଦଦ ମୀର୍‌ଏସି ବିନୁୟି ଅସରିୟ ଇଲୁଟିଏ କ଼ଟାତି ବା଼ଙ୍କା ଅ଼ଡ଼େ କନ ପାତେକା ଅ଼ର ବା଼ଗା ତିୟାରା କିତେସି।

25 ଉସିୟ ମୀର୍‌ଏସି ପାଲାଲ୍‌ କ଼ଟାତି ବା଼ଙ୍କା ନ଼କିତି ରିଜାରି କ଼ସ୍‌କା ମାନି ଟା଼ୟୁ ଡାଗେତି ପାଡାଆ଼ତି ରାଜା ଇଲୁ ଡାଗେତି କ଼ଟା ଦାରି ତିୟାରା କିତେସି। ତାନି ଡା଼ୟୁ ପରିୟସ ମୀର୍‌ଏସି ପଦାୟ ତିୟାରା କିତେସି।

26 ଏଚିବେ଼ଲାତା ଅପଲତା ବାସା କିହାମାନି ମାହାପୂରୁ ଇଲୁତି ସେ଼ବା କିନାରି ଏ଼ୟୁ ଦୁୱେରିତି ୱେ଼ଡ଼ା ହ଼ପୁ ଦାରି ପାତେକା ପାଙ୍ଗାତି କ଼ଟା ତିୟାରା କିତେରି।

ଏଟ୍‌କାତି ତିୟାରା କିତାରି

27 ତାନି ଡା଼ୟୁ ତକୟିୟ ଲ଼କୁ ପାଙ୍ଗାତି କାଜା କ଼ଟା ଦାରିଟି ଅପଲତି କ଼ଟା ପାତେକା ଏଟ୍‌କାତି ବା଼ଗା ତିୟାରା କିତେରି।

28 ପୂଜେରାଙ୍ଗା ବାରେ ଜା଼ଣା ଜାହାରା ଜାହାରା ଇଲୁ ନ଼କିତି ଗ଼ଡ଼ା ଦୁୱେରିତି ଲାକନି ପାରୁ ତିୟାରା କିତେରି।

29 ଏ଼ୱାରି ଡା଼ୟୁ ଇମ୍‌ମେର ମୀର୍‌ଏସି ସାଦକ ତାନି ଇଲୁ ନ଼କିତା ତିୟାରା କିତେସି। ଇଞ୍ଜାଁ ତାନି ଡା଼ୟୁ ୱେ଼ଡ଼ା ହ଼ପୁ ୱାକିତି ଦୁୱେରି କା଼ଃନି ସକନିୟ ମୀର୍‌ଏସି ସମୟିୟ ତିୟାରା କିତେସି।

30 ତାନି ଡା଼ୟୁ ସେଲିମିୟ ମୀର୍‌ଏସି ହନାନିୟ ଅ଼ଡ଼େ ସାଲପତି ସ଼ଲମ୍ବର ମୀର୍‌ଏସି ହାନୁନ୍‌ ଅ଼ର ବା଼ଗା ତିୟାରା କିତେସି। ତାନି ଡା଼ୟୁ ବେରିକିୟ ମୀର୍‌ଏସି ମସୁଲମ୍‌ ତାନି ଇଲୁ ନ଼କିତା ତିୟାରା କିତେସି।

31 ତାନି ଡା଼ୟୁ ମଲ୍‌କିୟ ଦ଼ରୁତି ରଅସି କାମ୍ବାସା଼ଲି ହିମିପ୍‌କଦ୍‌ ଦୁୱେରି ନ଼କିତି ମାହାପୂରୁ ଇଲୁ ସେ଼ବା କିନାରି ଅ଼ଡ଼େ ବେ଼ବାରା କିନାରି ଇଲୁ ପାତେକା ଅ଼ଡ଼େ କନତି ଗା଼ଟି ପାତେକା ତିୟାରା କିତେସି।

32 ଇଞ୍ଜାଁ କନତି ଗା଼ଟି ଅ଼ଡ଼େ ମେ଼ଣ୍ତା ଦୁୱେରି ବିତ୍ରା କାମ୍ବାସା଼ଲିୟାଁ ଅ଼ଡ଼େ ବେ଼ବାରା କିନାରି ତିୟାରା କିତେରି। 33 ଆଜ୍ଞାମାନେ ଲେଖ, 34 ଆଜ୍ଞାମାନେ ଲେଖ, 35 ଆଜ୍ଞାମାନେ ଲେଖ 36 ଆଜ୍ଞାମାନେ ଲେଖ 37 ଆଜ୍ଞାମାନେ ଲେଖ 38 ଆଜ୍ଞାମାନେ ଲେଖ ।