ଏଜ୍ରା ମେ଼ରା ପ଼ଡ଼ୱି ଆ଼ନାୟି
1 ଇଞ୍ଜାଁ ବାରେ ଲ଼କୁ ରଣ୍ତିଏ ମ଼ନ ତଲେ ଏ଼ୟୁ କୁଣ୍ତି ଦୁୱେରି ଦାରିତା ରୁଣ୍ତା ଆ଼ତେରି; ଅ଼ଡ଼େ ପ୍ରବୁ ଇସ୍ରାୟେଲକି ମ଼ସାତି ଏମିନି ମେ଼ରା ପତି ହୁକୁମି କିହାମାଚେସି, ଏ଼ଦାଆଁ ତାଚାଲି ତାକି ଏ଼ୱାରି ମେ଼ରା ଜା଼ପ୍ନି ଏଜ୍ରାଇଁ ଏଲେଇଚେରି। 2 ଏଚେଟିଏ ସା଼ତା ଲେ଼ଞ୍ଜୁତି ମୂଲୁ ଦିନାତା, ଏଜ୍ରା ପୂଜେରା ଆ଼ବାୟାଁ ଅ଼ଡ଼େ ଆୟାସିକା ଏଚେକା ଲ଼କୁ ୱେଞ୍ଜାହାଁ ତେଲ୍ହାଲି ଆ଼ଡିନେରି, ଏ଼ ବାରେ କୁଲମି ନ଼କିତା ଏ଼ ମେ଼ରା ପତି ତାତେସି। 3 ଏଚେଟିଏ ଏ଼ୱାସି ଏ଼ୟୁ କୁଣ୍ତି ଦୁୱେରି ଦାରିତା ଆ଼ବାୟାଁ ଅ଼ଡ଼େ ଆୟାସିକା ଏଚେକା ତେଲ୍ହାଲି ଆ଼ଡିନେରି, ଏ଼ ବାରେତି ନ଼କିତା ଲା଼ଇଟିଏ ମାଦେନା ପାତେକା ଏ଼ ପତିତି ପ଼ଡ଼ୱି ଆ଼ତେସି; ଅ଼ଡ଼େ ବାରେ ଲ଼କୁତି କୀର୍କା ଏ଼ ମେ଼ରା ପତିତା ଅଡାହାଁ ଡ଼ୟିତେରି।
8 ଇଞ୍ଜାଁ ଏ଼ୱାରି ତୀର୍ପୁ ତଲେ ମାହାପୂରୁ ମେ଼ରା ପତି ପ଼ଡ଼ୱି ଆ଼ତେରି ଅ଼ଡ଼େ ଏ଼ୱାରି ଏମ୍ବାତି ଅଣ୍ପୁ ତେଲ୍ହି କିତେରି, ଏଚେଟିଏ ଏ଼ ଲ଼କୁ ପ଼ଡ଼ୱି ଆ଼ତାଣି ତେଲ୍ହିତେରି।
18 ଅ଼ଡ଼େ, ଏଜ୍ରା ମୂଲୁ ଦିନାଟିଏ ରା଼ନି ଦିନା ପାତେକା ବାରେ ଦିନା ମାହାପୂରୁତି ମେ଼ରା ପତି ପ଼ଡ଼ୱି ଆ଼ତେସି। ଇଞ୍ଜାଁ ଲ଼କୁ ସା଼ତା ଦିନା ପାତେକା ପାର୍ବୁ କିତେରି; ଅ଼ଡ଼େ ମେ଼ରା ତଲେ ଆ଼ଟା ଦିନାତା ହା଼ରେକା କୁଟମି ରୁଣ୍ତା ଆ଼ତେରି।