Luka 2

Shɔ ã Yesɔ a jaa Ɗa

22 Naa dii atɛ Yusufu a Marayamu ni aru i sɔki vikɔ̃linɛ nagbete Musa laa beenɛ nya ãsinɛ shayɛ. I tu jau i yɛ Urushalima awuni aru i ã Uɓeyelapa. 23 (Naa gbete shɔ bee yɛ a Uɓeyelapa labeenɛ nya ãsinɛ,<<Kopi jamari javɔshɔ gbete shɔ yee yɛ shɔ ã Uɓeyelapa>>), 24 Kɛɗɔn Yusufu i sɛ koro ziti iyɛ Urushalima nɛi nti viyuu ãnɛ awuni naa Uɓeyelapa labeenɛ nya ãsinɛ shayɛ.

25 A ɗauni shɔwɔ si ɗɔn u nii nɛ Siman shɔgbete u wɛrɛ si a Urushalima, U si shɔ wɔsɔ-wɔsɔ, shɔ Ɗalapa seti ntanɛ u a ɗɔu gayɛ nɛn zɛ Isireilayi naa raanɛ pɔgɔtɔ, Ɗa suru si awuni. 26 Ɗa suru tasiu tɛttɔ nɛyɛ vɔɓa sɛtɛ zɛ kirisi anɛ tɛttɔ. 27 Ɗa Suru tu Siman n-tiu a jaa Ɗa. Naa Yesɔ ɓeye a ɓini i ntiutɛ a jaa Ɗa ni nɛ shɔu pɛliu nɔgbete Uɓeyelapa shayɛ, 28 Siman tu jau a naa a dɔ̃ri Ɗa rɛ:

29 << Uɓeyelapa, a pɔ̃ vigbete u maa si a moni yɛtɛ,

Dɔdɔrim, Uɓeyelapa yasaa a jawɛrɛ naa nɛ u vɔpɛ a yɛti binyatɔ̃nɛ.

30 Ang nɔɔ n zɛ a shɔraanɛ tɛ,

31 Gbete a pɛli a shɔ ɗekɨn piti kpai,

32 Shompɛ ɗɔsɛ̃sɛ̃ gbete tasi shɔgbete ɓa yahudawa ɓa i nyaba,

a bassinɛ yɛnɛ a shɔbii Isireilayi.>>

33 Jau ɓini a ɓeyeni viu pɔ̃yirɛ i maa naatɛ a nosisɨn aru vigbete gbete shɔ sha a jau yuu yɛ. 34 Siman shanɛ Ɗa u tasiyi vɔɔ susãri abiini, geli ɓini Marayamu nɛ, <<Jam Ɗalapa lɔurɛ nɛu pɔ̃ shɔ waanɛ a isireila gãsiyi i yɛ niitɔ gãsiyi i yɛ ranaatɔ. Jau yɛ ɔ̃kɛ Ɗalapa vitasinɛ gbete shɔ yɛ kasiɓa. 35 A nankɔ i vikɔ̃linɛ gbete i ɓusi ai sisɨn yɛ ɓɛlitɔ. Yɛ kɔ sisɨntɔ naa zali yɛ ɓɛɛ aa sisɨn.>>

36 Ɗa jashonɛ wɔsi ɗɔn upɛ soro shɔ ɓaunɛ Ana kpɛtɛttɔ, Fanuwel ɓɛɛ jaa shɔ tipi Ashir. Shɔ tɛurɛ ɔ̃ saa maanzi shɛli a wɛrɛ vɔshɔ ni. 37 U si suvɔ, u saa laa nɛ̃ɛti a tu nɛ̃ɛt (84). Ji yaa jaa Ɗa ɓa ko legbete; zɨmba a niti ni u ɗɔɔ Ɗa gakinɛ a nya manɛ ni. 38 A ɗauni aa sɔ̃n tɛ̃ɛti a dɔ̃ri Ɗa a nwanya sɔ̃njo a jajau yuuni a shɔ gbete i ɗɔ showenɛ nei ga nɔgbete Ɗalapa yɛ raa shɔ Urushalimayi yɛ.