Luka 2

Yesɔ jakasa to jaa Ɗa

41 Ko-pi saa shopiya Yesɔ ɓeye a ɓini ni iyɛ Urushalima tɔ aru yumusinɛ pasika. 42 Yesɔ si saa kopi atu ziti, i yɛ ɗɔ yumusinɛ pasika sɔ̃njo nagbete i yɛli a saa-saa yɛ. 43 Naa yumusinɛ pasikau sɔ̃ nyatɛ, i sɔ wɛrɛ rɛ, ama Yesɔ jakasa ji gɨn yi ɓa adɔɔ niɓa ɔ̃ a Urushalima. Yesɔ ɓeye a ɓini ni iji zɛba nɛu ɗɔɔ akɨnti ɓa, 44 I tunɛ mɛnɛ u ai teteni, i raa lee gbete i jo zɛu ɓa a gau ɗɔ kãnɛrɛ ai shɔbiiyi tete a ɓesayini. 45 I ji kpau ɗɔ ɓa, kɛɗɔn i sɔɔ Urushalimarɛ i ɗɔgbete i kãu ɗɔyɛ. 46 Akɨnti lee taati i kpau a ɗɔɔ ɔ̃nɛ a jaa Ɗa a shɔmala Yahudiyawayi tete, u ɗɔ showenɛ ai nya aru hɨlinɛ ni. 47 Shɔ gbete ai wesho au nya kasinɛ ɔ̃ri kɛ vibii zaanɛ. 48 Yesɔ ɓeye a ɓini ni i zɛurɛ a sɛti pɛlitɔ, kɛɗɔn ɓini geliunɛ,<< Ma jaa, a pɛliu kɛ piruvi nankɔ viya? Meye a nkɔ ni u kã ɗɔ ɓa jitɔ waanɛ!>>

49 Yesɔ risiyi nyanɛ, <<Ɔ kãng ɗɔ pi ruviya? Ɔ ji zɛba nɛ kɔritɔ n ɔ̃ a maye wɛrɛ ɓaya?>> 50 Ama i ji ntau nya risi nɛu ɓa. 51 Kɛɗɔn Yesɔ sɔɔ Nazara kɛ ayini u ɗɔ showenɛ ai nya. Ɓini sɨ vim piti kpai au sisɨn. 52 Piti kpai Yesɔ ba abi a sẽẽrɛ̃ni a yɛ ɗekɨn awuni, Ɗalapa ntau tɔ̃vɨntɔ shɔ gãsi ma i nta tɔ̃vɨn jo.