2 Kɔratə 4

7 Bale, ä-ä ə̂në ä za ə̂rɔ̂ ərə səkɔ ä sə mata ləsû ə̂tô, ndə kə pa azü wusə̂ nə ə pa awlra səkɔ ə̂në ə rô ə̂dû awlra nɔ̂ gâ ye kɔ afɔ mâ ndə Ndjapä, ə sə sə tə ənə̂ ä ne. 8 Azü pêrə tshelə ä lə aərə nɔ̂, bale əndje shî tshelə â shî ne; ä wusə̂ ərə ə̂në ä mbrə kɔ wu ne, bale lɔsu ä tê tê ne; 9 əndje gî əyo tə̂ ä, bale Ndjapä tshî ä tshî tʉ ne; əndje gêta ä, bale ä tshû tshû ne. 10 Alɔnɔ̂, ä za kuzu Jezu gâ tə̂ ä, lə akwa ä, kanika azü wu sorô Jezu nə ndje lə akwa ä nə. 11 Mbrə ə̂në əzə̂ ə̂në a sə də sorô kɔ, mbrə Jezu nə, alɔnɔ̂ azü sə kə ka əzə̂ gâ lə ama kuzu, kanika azü wu sorô Jezu nə ndje lə akwa əzə̂ ə̂në ə tshu je kɔ.