Əzü ə̂në tshə zâ lɔsu ye kə Ndjapä lï ndə kə tɔ popo Ndjapä nə
14 E ngbö ngbö kəna e gâ tə̂ nə də azü ə̂në əndje za lɔsu əndje za kə Ndjapä ne kɔ lə aərə ne. Mbrə ə̂në kə mbrə ərə də äwänə də əmbrʉ ərə ə ngbo tə̂ əndje gâ tə̂ nə atâ a? Ə̂yîtshe də əbutshe ə ngbo gâ tə̂ nə atâ a? 15 Bale, Kristə nə də djablo ə dji tə̂ əndje atâ a? Ərə yea nə̂ əzü nə̂ Kristə kə sə lə ərə nə̂ əzü ə̂në tshə sə tə dulu kɔ? 16 Yea kə ngbo Anda Ndjapä də aamba andjapä gâ tə̂ nə? Mbrə ə̂në əzə̂, a sə tə Anda nə̂ Ndjapä ə̂në tshə sə tə sorô kɔ, mata ə̂në Ndjapä pâ əpʉ ə pa:
«Mə sə kə ma əgɔ lə takpa tə̂ əndje
ə na lə takpa tə̂ əndje;
mə sə kə sə tə Ndjapä nə̂ əndje
â əndje sə kə sə tə azü nə̂ əmə.»6.16 Wu Əkrɔ 26.12; Eze 37.27.
17 Âdârə ə̂në Əyïlingû pâ əpʉ ə pa:
«E wütu lə takpa tə̂ əndje gashu ə sə̈ mâ ngâ!
E gö göro əmbrʉ ərə bale ne,
mə sə kə ko e gâ tə̂ əmə.»6.17 Wu Eza 52.11; Eze 20.34.