Resultados da busca por "fé"

11ə lï də ərə ə̂në tshə gâmba kerə gâ ye ndə kə mbrə nə kɔ. Ərə sə̂ ə̂në tshə gâmba gâ ye kɔ, tshə mbrə̂ ndəma nə lə Âgbɔ̂ Əyïngerə nə̂ əzə̂ də Jezu Kristə nə gâ ye.

17ndje ndə kə pa Kristə nə sə tə̂ lɔsu e tə̂ äwä ə̂në e zâ lɔsu e kə ətshə gâ ye kɔ. Mə yu ətshə ndə kə pa əshe e li ashɔ lə kə yi tə̂ e ka e ka gâ pâ nə kpirə̂,

21a mbë ətshə lə Laglizə, ndje tə̂ äwä Jezu Kristə, də ə̂ngû də ə̂ngû piii! Asərəmə.

3E mä mä ərə ndə kə pa e ro angâ e ə ro wala azü wu e ə wu ne. Bale, tə̂ äwä kə mbrə tə̂ e teashe, e wü angâ e lə ala e tə azü ə̂në əndje rô e gâ ye.

16mbrə ə̂në e sə kə na də əpʉ sorô kə əndje. Ə sə kə sə tə ərə kə da əkro əmə tə̂ nə, tə̂ əlo kə gu Kristə nə: rəkɔ, mə kpê kəmə ärɔ̈ nə kpê ambanə ne, mə wû kəmə əyo nə wû ambanə ne.

30mbrə ə̂në mbrə kosəra nə̂ Kristə də̂ tshə sə̂ trö də kuzu nə kɔ. Tshə kâ akwa ye ndə kə pa tshə mbrə kosəra tə̂ ə̂sə̂ e mbrə əmə.

9Ənə̂ e, e sə sə kə mbrə tə̂ e Lïndə̂ lɔsu e nə̂ əzü ne, bale e sə kə mbrə tə̂ e Lïndə̂ Âgbɔ̂ Yîrə̂ nə, mbrə ə̂në Âgbɔ̂ Yîrə̂ nə sə lə e. Əzü ə̂në tshə sə sə də Yîrə̂ Kristə nə ne, tshə sə sə tə əzü nə̂ ye ne.

13Mbrə ə̂në kədə e mbrə tə̂ e Lïndə̂ lɔsu e nə, e sə kə tshu nə. Bale kədə, tə̂ äwä Âgbɔ̂ Yîrə̂ nə, də̂ e wo kə mbrə tə̂ e lə akwa əzü nə gâ ye, e sə kə sə də sorô.

34Rəkɔ, əde kə lï ndə kə pa tshə wa ngbanga gâ lə kumu əndje? Əzü bale ne! Mbrə ə̂në Jezu Kristə nə kə sə tə ətshə ə̂në tshə tshû gâ ye kɔ, â gâ pâ nə, tshə shê gâ ye ə sə gâ ndə ndəkɔ Ndjapä nə â sə kə yu Ndjapä nə mbrə əzə̂.

9Bale, a lï ndə kə wusə̂ nə ə pa əndje mbrə̂ âgbɔ̂ əpʉ nə mbrə̂ mbrə əzü ə̂në tshə sə kə mbrə ərə də äwänə kɔ ne. Bale, ə sə mbrə azü ə̂në əndje dji əpʉ dji ne kɔ də azü ə̂në kumu əndje gbɔ ngbatshe kɔ, mbrə azü ə̂në əndje wəra tə̂ əndje tə̂ Ndjapä gâ ye də alayïnyaka, də azü ə̂në əndje kpe rawa Ndjapä wala aərə nə̂ Ndjapä kpe ne kɔ, də azü ə̂në əndje wo alabä əndje də alayï əndje kɔ, gâ ndə aawowo azü,

13əmə ə̂në, mə sə̂ angbʉlînə tə ə̈bə̈ əzü kə gu ətshə, tə əzü kə gi əyo tə̂ ye, tə əzü kə mbrə awlra tə̂ ye kɔ. Bale, tshə wû əyo əmə, mbrə ə̂në mə wûsə̂ ərə nə wû ne â mbrə̂ kɔ, ndje mbrə ə̂në mə tê tê pa ə za lɔsu əmə kə ətshə ne kɔ.

19ə bäta əpʉ lɔsu də lɔsu ə̂në ə wusə̂ ə̂rɔ̂ ərə tə̂ əmbrʉ ərə kɔ. Ə̂rɔ̂ lɔsu səkɔ, alabə̈ azü wə̂ra tə̂ əndje tə̂ nə gâ ye â əndje tê gâ ye tə̂ äwä əpʉ lɔsu əndje nə.

3Bale, kədə ə̈bə̈ əzü kə yində Ndjapä, Ndjapä wûsə̂ ye gâ ye.

6Bale, ənə̂ əzə̂, Ndjapä sə kʉ kpiabale, tə Abä ə̂në aərə nɔ̂ tô mâ ndə ye je kɔ â a sə də sorô mbrə ətshə. Â Âgbɔ̂ Əyïngerə sə kʉ kpiabale, ə̂në tshə də̂ Jezu Kristə nə ə̂në aərə nɔ̂ wû tsheshu tə̂ äwä ye, â a sə də sorô tə̂ äwä ye kɔ.

7Bale, azü nɔ̂ wusə̂ əpʉ səye wu ne. Â alabə̈ azü nə daka pə tə̂ äwä mandʉ ərə ə̂në əndje mâ leme-e gâ tə̂ aamba andjapä nə kɔ, əndje daka pə kə zɨ adɔ̂ngɔ̂ ə̂në əndje tô də əkrɔ kə aamba andjapä nə gâ ye kɔ. Alɔ ə̂në əndje zɨ adɔ̂ngɔ̂ səkɔ, mâ tə̂ lɔsu əndje, əndje wu ə pa alane sə sə mvo lə ala Ndjapä ne, mbrə ə̂në əndje te te pa ə ne ne.

19Mandâ kuzu Etianə, azü vɔ̂tə̂ kə gi əyo tə̂ azü nə̂ Jezu â əndje ndjɔ̂ tshelə əndje â rô tə̂ aətshe na na ye. Əndje nâ ʉrrr ndjɔ mâ lə əgɔ Fenesi də aəgɔ Shiprə gâ ndə Atiɔshə, bale, əndje yîsə̂ Əpʉ nə̂ Ndjapä nə kʉ kə Ajuwufu.

1Alaye əmə ə̂në mə yində e wââ kɔ, bishi ngrowô də̂ mə ta kə e kɔ. Lə angrowô nə bishi nɔ̂, mə sə kə pa ndə əpʉ aərə ə̂në e wûsə̂ nə gâ ye kɔ ndə kə pa e wusə̂ kə tegbɔ kumu e də äwänə.

10Bale, əlo kə gu Âgbɔ̂ Əyïngerə sə kə sə mata alɔ kə na əyïangba. Tə̂ əlo nə səkɔ, tshelafɔ sə kə ro nə də əsərɨ nə tə âgbɔ̂, aambrepe sə kə ju nə â tshelə əndje sə kə gba nə â ashɔ də aərə ə̂në azü mbrə̂ pâ ashɔ nɔ̂ kɔ sə kə ro nə3.10 Sə kə ro nə: Lə alabə̈ afraka Ndjapä də ama grakə, əndje tâ ə pa: Ndjapä sə kə wa ngbanga gâ pâ nə..

18Bale, e gërə alɔnɔ̂ lə ə̂rɔ̂tə̂ Âgbɔ̂ Əyïngerə nə̂ əzə̂ də Awoshe əzə̂, Jezu Kristə, ndje lə kə yerɔ ətshə kpro. A mbë ətshə kpəsəye ʉrrr piii! Asərəmə!

1E wü marä tə̂ kə yində əzə̂ ə̂në Abä yîndə əzə̂ kɔ, ndə kə pa tshə e əzə̂ tə aneshe nə̂ ye kɔ, â tə̂ banda əpʉ, a sə tə aneshe nə̂ ye nə! Mbrə nə, tshepashɔ wusə̂ əzə̂ wu ne, mbrə ə̂në ə wûsə̂ Ndjapä nə wû ne.

2Alaye ə̂në mə yində e ngbatshe kɔ, mandânə səye a sə tə aneshe nə̂ Ndjapä, â marä tə̂ kə sə əzə̂ nə te te pa ə wutu gashu ne. Bale, a wusə̂ nə ə pa, tə̂ alɔ kə gu Kristə nə, a sə kə sə a pa də ətshə, mbrə ə̂në a sə kə wu ətshə mata ə̂në tshə sə kɔ.

16A wusə̂ kə yi tə̂ tə̂ äwä ərə səye: Jezu Kristə nə kâ tə̂ ye də sorô ye nɔ̂ mbrə əzə̂. Əzə̂ ndje, a lï ndə kə pa a ka tə̂ əzə̂ də sorô əzə̂ nɔ̂ mbrə alaye əzə̂.

11Bale, Kristə nə wûtu mata âgbɔ̂ awotokrɔ ndə kə pa tshə ko aə̂rɔ̂ aərə ə̂në ə sə̂ je gâ ye kɔ kə əzə̂. Tshə rô sɔ lə gbafa nə ə̂në ə sə tə âgbɔ̂ nə kɔ â ə lî nɔ̂ gâ ye ə rô ənə̂ azü kɔ, ə̂në ə də̂ kəna azü də̂ kə mbrə̂ kɔ ne, wala ə sə sə tə ənə̂ tshepashɔ səye ə̂në Ndjapä mbrə̂ kɔ ne.

25Ə̂ngû bale bale, âgbɔ̂ awotokrɔ nə̂ Ajuwufu nə sə kə li gâ lə anda tə̂ ətshe ə̂në ə sə kpî kɔ də ə̈ndjï ə̂në ə sə sə tə ə̈ndjï ye ne kɔ. Bale, Kristə nə, ənə̂ ye, lî lî ndjɔ mâ lafɔ nə ndə kə pa tshə ka tə̂ ye nə alɔnɔ̂ ne.

28äwä bale ndje, Kristə nə kâ tə̂ ye kʉ äwä bale gâ ye ndə kə pa tshə ko anyaka nə̂ ə̂kpû azü lə kumu əndje. Tshə wutu tə̂ bishi nə je, ə də̂ ndə kə pa tshə ko anyaka nə̂ azü də̂ ne, bale ndə kə pa tshə she azü ə̂në əndje sə kə ka mbrə ətshə kɔ lə kuzu.

13Ə̂në Jezu djî ndə əpʉ səkɔ, tshə âfɔ kôto ə ô gâ lə ə̈bə̈ əgerə âgbâ ə rô ngrʉ̂ mâ lə ngbûndû. Bale, ə̂kpû azü nə wûsə̂ nə; əndje âfɔ lə aəgɔ bale bale â zâ äwä ye də ə̈nü əndje.

16Bale, Jezu kîrə əpʉ kə əndje ə pa: «Əndje tshɔ tshɔ ndə kə gu na ye ne. E kö rəgo də ə̂tə̂ e kə əndje.»

18Jezu pâ kə əndje ə pa: «E nä də nə kə əmə.»

12Alaye əmə, mə tegbɔ ə̈nü e, e mbrə̈ tə̂ e mata əmə, mbrə ə̂në əmə ndje, mə sə mata e. E mbrə̂ ə̈bə̈ əmbrʉ ərə mbrə̂ bale kə əmə ne.

14Â ə̂në tshekotə̂ əmə də rəka nə sə̂ sə̂ tə ə̂rɔ̂nə lə ala azü ne kɔ, e wû əmə wû tə amba ərə lə ala e wala e nêke əmə nêke ne. Bale, e mbrə̂ əmə tə ə̂rɔ̂nə mata ə̈bə̈ trawaya nə̂ Ndjapä, mata Jezu Kristə.

15Rəkɔ, ə̂rɔ̂ kə sə e nə ətshinə kɔ sə kotâ a? Mbrə ə̂në mə pa ndə e tə ə̂rɔ̂nə ə pa, kədə äwä nə â sə̂ kəmə je, e sə̂ kəmə kə djɔ ala e ə kô kə əmə gâ ye.

9ə̂në mə sə kə wu əyo mbrə nə kɔ, ʉrrr mə wu əyo ndje lə kânga a pa də ə̈bə̈ awowo əzü kɔ. Bale, Əpʉ Ndjapä nə sə sə lə kânga ne.

12kədə a ru ə ru lə aərə,a mbrə ngerə ndje də aəndje je;kədə a wəra tə̂ əzə̂ tə̂ ye,ətshə ndje, tshə wəra tə̂ ye tə̂ əzə̂ je;

17Əpʉ tshelə ama əndje sə kə zɨ əzü mata əku gbadja. Â Himene də Filatə sə lə takpa tə̂ azü səkɔ.

1Kristə nə djɔ̂ əzə̂ lə kanga gâ ye ndə kə pa a sə yera ambanə. Rəkɔ, e kä gbʉ gbʉ gbʉ, e kwätə̂-e kwä ə yï əgʉ e gâ lə ə̂wû kanga nə ne.

7E sə kə kpe ärɔ̈ ətshinə tə ə̂rɔ̂nə. Əde kə pa e ka â kânga äwä tə̂ e ndə kə pa e mbrə tə̂ e mbrə ə lï də djatra əpʉ nə ne kɔ?

11Ənə̂ əmə, alaye əmə, kədə mə daka pə kə mʉ kəmə əpʉ kə wa gandja, mbrə yekɔ də̂ azü ə daka pə tə̂ kə gi əyo kəmə tə̂ əmə? Kədə mə daka pə kə mʉ əpʉ gandja nə, əpʉ masheyɔ nə̂ Kristə nə sə sə kwatə̂ye tə ə̈bə̈ ərə ndə kə pa əzü te tə̂ nə bale ne.

11Bale, əzü ə̂në tshelə ye wəra tə̂ ye tə̂ aye nə, tshə daka pə lə əbutshe. Tshə sə kə na ana lə əbutshe â wusə̂ ətshe ə̂në tshə na tə̂ nə kɔ wu ne, mbrə ə̂në əbutshe nə bû ala ye gâ ye.

18Aneshe nə̂ əmə, alɔ nglɔ̂ nɔ̂ gâ ye â a lə ye! E djî ə pa Əyïkowɔ nə̂ Kristə sə kə na gu nə. Kpəsəye alayïkowɔ nə̂ Kristə nə ngba ə ngba, â kôto də̂ a wusə̂ nə ə pa alɔ nə nglɔ̂ nɔ̂ gâ ye.

22Rəkɔ, əde kə sə tə əyïəterə nə? Ətshə kə də̂ əzü ə̂në tshə pa Jezu sə sə tə Kristə nə ne kɔ. Â əzü ə̂në tshə wəra tə̂ ye tə̂ Abä gâ ndə Ɨrɨ nə kɔ, ətshə kə sə tə əyïkowɔ nə̂ Kristə nə kɔ.

2Ayə səke wusə̂ nə tə̂ lɔsu ye ə pa əne lï ndə kə pa əne zɨ aərə nɔ̂. Ayə, ə̂në tshə mɔ ə mɔ kɔ, zɨ ənə̂ ye kʉtə̂ akako gûsû.

4Əbə, bə sə tə əde, ə̂në bə wa ngbanga gâ pâ əyïkosəra nə̂ ə̈bə̈ əzü kɔ? Kədə tshə ka pə lafɔ wala kədə tshə te, ə wu kʉtə̂ əyïnga nə. Bale, tshə sə kə ka pə lafɔ, mbrə ə̂në Âgbɔ̂ Əyïngerə sə də awlra ndə kə pa tshə gbɔgbɔ ətshə.

10Bale əbə, bə wa ngbanga gâ pâ aye zə mbrə yekɔ? Â əbə, bə neke aye zə mbrə yekɔ? Mbrə ə̂në əzə̂ nɔ̂, a na ə ka gâ ətshi ngbanga nə̂ Ndjapä je.

1Mandânə, mə wû ə̈bə̈ agia ə̂në tshə âfɔ lə ə̂ngû əngbrʉ nə ə sə̂ kə o gashu, ə̂në aədɨ ye sə̂ morofo â akrɔ ye sə̂ mindû amanə bishi kɔ. Pâ aədɨ ye nə, akpɔtɔ ngerə morofo sə̂ je, â pâ akrɔ ye nə, aəɨrɨ ə̂në ə gu Ndjapä kɔ sə̂ je.

3Ə̈bə̈ korɔ ye nə bale sə̂ də əku gbadja tə̂ nə, bale əku gbadja səkɔ yû gâ ye! Bale, ərə nə fʉ̂ tə̂ azü tshepashɔ nɔ̂ â əndje tê mandâ agia nə.

5Əndje zâ äwä kə ətshə ndə kə pa tshə pa aəpʉ gbâma ə gu Ndjapä. Əndje zâ awlra kə mbrə ərə səkɔ lə yipʉ zazü bishi amanə bishi kə ətshə.

12Bale, Piarə âfɔ ə kpê ärɔ̈ na na ye mâ tə̂ manda ə̂dû nə mâ je. Tshə têrə ə wû kʉtə̂ aama aləba gâ tʉ. Mandânə, tshə dô tə̂ ye gu na ye, kumu ye kpê pâ əndu ye mbrə ərə nə ə̂në ə mâ kɔ.

23ə wû əko ye wû ne. Əndje gû ə pâ kə ä ə pa alane wû atrawaya nə̂ Ndjapä â əndje pâ kə alane ə pa tshə sə tə sorô.

31Bale, tshelə ala əndje krâ, əndje yêrɔ ətshə, mandânə, tshə yû tə̂ əndje gâ ye.

5Bale, Jezu vɔ̂tə̂ kə pa əpʉ kə əndje ə pa: «Ala e në ka ə̈bə̈ əzü bale frɔ e frɔ ne.

19Mbrə ə̂në azü sə kə wu əyo tə bandanə tə̂ alɔ nə səkɔ ə ro ə̂dû aəyo ə̂në azü vɔ̂tə̂ kə wu nə mâ tə̂ amanə alɔ ə̂në Ndjapä mâ tshepashɔ kɔ ʉrrr ndjɔ kpəsəye kɔ. Mandânə, marä tə̂ əyo səkɔ sə sə kə sə je kwatəndje bale ne.

22Mbrə ə̂në aafrɔ akristə də aafrɔ aawopandəma Ndjapä sə kə yi kumu əndje. Əndje sə kə mbrə aərə ə̈lü də aərə ə̂në ə sə kə za awa gâ lə azü je kɔ, ndə kə pa əndje frɔ azü, äwä nə â sə je, əndje sə kə frɔ ndje azü ə̂në Ndjapä kê əndje gâ ye kɔ.

14Bale, kədə e wu əyo kəmə mbrə kə mbrə ərə də äwänə, ənə̂ e tə ə̂rɔ̂nə! E mbrə̈ mbrə̈ awa azü bale ne, ə kätə̂ äwä kä kə ə̈bə̈ ərə ə djingli tshelə akrɔ e ne.

15Bale, mâ tə̂ lɔsu e, e lʉ̈ Kristə nə tə Âgbɔ̂ Əyïngerə. E gämba tə̂ e alɔnɔ̂ ndə kə pa e a ama e ə pa əpʉ kə əzü ə̂në tshə sə kə yu e gâ pâ əpʉ ərə ə̂në e za lɔsu e gâ pâ nə kɔ.

21Ə sə tə ə̈bə̈ ərə ə̂në ə yisə̂ nə ə pa batamo sə kə tshɔ e lə kuzu kpəsəye, tə̂ äwä kə she Jezu Kristə nə. Ə sə sə tə batamo kə yutu əbru tə̂ tshekotə̂ əzü ne, bale ə sə tə kə za tə̂ əzü kə Ndjapä də lɔsu ə̂në ə sə mvo kɔ.

5Â əndje sɔ̂tə̂ ə̈bə̈ əpʉ əterə bale sɔ̂ lə ama əndje ne. Ə̈bə̈ əpʉ bale sə sə lə kumu əndje ne.

6Mandânə, mə wû ə̈bə̈ ata trawaya nə̂ Ndjapä nə ə̂në tshə sə̂ kə rɨ mâ ngâ lafɔ kɔ. Tshə sə̂ də ə̈bə̈ ə̂rɔ̂ əpʉ ə̂në ə sə piii kɔ ndə kə pa tshə mʉ kə azü tshepashɔ, kə aəgɔ nɔ̂, kə amarä nɔ̂, kə azü aama aəgɔ nɔ̂, ndje kə azü aəgɔ nɔ̂.

17Ə̈bə̈ ata trawaya nə̂ Ndjapä nə wûtu lə Anda Ndjapä nə ə̂në ə sə mâ lafɔ kɔ. Ətshə ndje, tshə sə̂ də ə̈bə̈ kamba kə wa də angwa rəgo nə, ə̂në ama nə kɨ̂ tə bandanə kɔ.