Matiɔ 3

Zââ Batistə mʉ̂ əpʉ kə azü

1 Tə̂ alɔ nə səkɔ, Zââ Batistə yî kumu ye mâ lə ngbûndû əgɔ Jude â vɔ̂tə̂ kə yisə̂ Ə̂rɔ̂ Əpʉ. 2 Tshə pâ: «E tshï äwä angbrɔ kə mbrə aərə nə̂ e tʉ, mbrə ə̂në Əgɔngerə tshelafɔ*3.2 Əgɔngerə tshelafɔ: Lə fraka nə, Matiɔ pâ Əgɔngerə tshelafɔ ə̂në ə yində kə pa ndə Əgɔngerə nə̂ Ndjapä. Wu lə Bakale. ndô trö gâ ye.»

3 Zââ sə tə əzü ə̂në awopandəma Ndjapä Ezayi pâ əpʉ gâ pâ ye alɔ ə̂në tshə pâ:

«Ə̈bə̈ əzü sə kə ta râwâ lə ngbûndû ə pa:

"E gämba äwä ə̂në Âgbɔ̂ Əyïngerə ə na tə̂ nə kɔ,

e gämba äwä ye ndji."»*3.3 Wu Eza 40.3.

4 Zââ yî ləba ə̂në əndje mâ də əsu shamo kɔ ə î tshelə ye də ə̂wû akwa agia. Rəgo nə̂ ye kə də̂ alagbɔ̂ də əjerɔ akotrɔ. 5 Azü gala Jeruzalamə də azü ashɔ Jude nɔ̂ gâ ndə azü aəgɔ ə̂në ə sə tə̂ ama ə̂ngû Jurda kɔ nâ gâ ngotə̂ ye. 6 Əndje yîsə̂ anyaka nə̂ əndje gashu â Zââ nə zâ batamo kə əndje lə ə̂ngû Jurda.