12 Ənə̂ ye tə ə̂rɔ̂nə, əzü ə̂në tshə wusə̂ kə kânga lɔsu ye lə ərə kə tra ətshə! Mbrə ə̂në tshə sɔtə̂ sorô nə̂ alɔnɔ̂ ə̂në Âgbɔ̂ Əyïngerə zâ ama də nə kɔ kə azü ə̂në əndje yində ye kɔ je, mandânə ə̂në tshə rô lə ərə kə tra lɔsu ye nə gâ ye kɔ. 13 Kədə ə̈bə̈ ərə kə trâ lɔsu əzü, tshə pä pä: «Ndjapä kə tra lɔsu əmə kɔ» ne. Mbrə ə̂në əmbrʉ ərə lï lï ndə kə pa ə tra Ndjapä ne, â Ndjapä nə də ə̂tə̂ ye tra lɔsu əzü tra ndje ne. 14 Kandää, kʉtə̂ əgo lɔsu əzü bale bale də ə̂tə̂ ye kə sə̂ â tra lɔsu ye â gbətɔ ətshə â frɔ ətshə kɔ. 15 Mandânə, kədə əgo lɔsu nə kə zâ əndu gâ ye ə zu nyaka; â kədə nyaka nə kə nê gâ ye ə na də kuzu.