34 Nkamba Yesu aetɛ banto bankuma la bakɛndi la nde mpe ababelɛ ibɔ bankuma: «Bonto olanga aye mbuha ekimi, ayatonaka nde kiika, abilaka ekulusu ekinde biina benkuma mpe andjelaka. 35 Itina ongolanga abikye lobiko lookinde, angolobungya, yaa ongolobungya itina ikimi mpe la Nsango e bɔlɔti angobikya lɔkɔ. 36 Intomba yɔɔhɔ bonto yobata nɔ nga aɔkɔhɔ bokili bonkuma, mpe abungya lobiko lookinde? 37 Yomba ɛnɛ yɔɔhɔ bonto yopa kela ahombe lobiko lookinde nɔ? 38 Bonto ondjoka la emi la baoyi bakimi nsɔni nde baiho baaki ekeke ɛnɛ epomange Ndjakomba mpe e bahumu, Bona ooki Bonto angoobooka la nde nsɔni anɛ enga nde aunwe la nkɛmbɔ eeki Ihe ekinde nde la bentomwa be bɔyɛngwa.»