Marko 11:12-14,20,21

MAR Makedonsko Arli Romani Biblija

O Isus prokletinela i smokva

12 O tajsutno dive, koga iklilo tari Vitanija, o Isus bokhalilo. 13 A duraldan dikhla jekh smokva, so sine učhardi listoncar, hem alo te dikhel dali isi la plodija. Koga alo uza late, dikhla deka nane la ništo samo listija, soske na sine o vreme bašo smokve.

14 Togaš phengja e kašteske: "Nikoj te na hal više taro to plodi!"

A leskere učenikija šunge so phengja adava.

I lekcija e smokvakiri

20 Tajsutno dive, dži kote nakhena sine, dikhle i smokva so šukili taro koreno.

21 O Petar setingja pe hem phengja e Isuseske: "Učitele, dikh! I smokva, so prokletingja la, šukili!"

Em outras traduções

RAB I Biblija ki Arli romani čhib Srbija

12 Tejsato dive, kad iklile tari Vitanija, o Isus bokhalilo. 13 I odural dikhlja e smokvakere kašte savoi pherdo listija, i dželo nakoro leste sar te arakhi nešto upro leste. Ali, kad alo đi o kaš, na arakhlja upro leste ništa sem listija, adalese so na inele vreme zako bijandipe e smokvakoro.
14 Tegani phenđa e kaštese: "Nikad više o manuša te na han to plod!"
A adava šunde hem lesere učenici.
20 A sabale, sar nakhena ine o Isus hem lesere učenici, dikhle so okova kaš e smokvakoro taro koreno šućilo.
21 O Petar setinđa pe hem phenđa e Isusese: "Učitelju, dikh! Šućilo o kaš e smokvakoro save prokletinđan!"

Direitos das traduções citadas

Estes versículos te tocaram? Ore agora!

+581 estão orando agora.

Junte-se à corrente de oração.

Marcos

Ver todos os capítulos de Marcos