E Isuseskoro avtoriteti
27 Ola palem ale ko Erusalim, a koga o Isus phirela sine ko dvoro taro Hrami, ale ki leste o prvosveštenikija, o učitejla e Zakoneskere hem o starešine. 28 Hem pučle le: "Kotar tuke akava avtoriteti te kere akala bukja? Koj dengja tut pravo te kere akava?"
29 O Isus odgovoringja lenge: "Ka pučav tumen me da nešto, hem odgovorinen mange. I me da ka vakerav tumenge kotar mange pravo te kerav sa akava. 30 Kotar e Jovaneske avtoriteti te krstinel – taro Devel ili taro manuš? Odgovorinen mange!"
31 A ola kerena sine lafi maškar peste: "Ako vakergjem: ‘Taro Devel,’ ka vakerel, ‘Soske na verujngjen le?’ 32 Ama ako vakergjem: ‘Taro manuš’…?" (Ola darana sine taro manuša, soske sarine mislinena sine deka o Jovan tano čače proroko).
33 I odgovoringe e Isuseske: "Na džanaja."
A o Isus phengja lenge: "Me da na phenava tumenge kotar mange pravo te kerav sa akava."