Bašo platibe danok e Cezareske
13 Palo adava o Evrejska vodačija bičhalge nesave farisejen hem e Irodeskere manušen te šaj te astaren e Isuse ko lafi.
14 Ola ale uza leste hem phenge: "Učitele, džanaja deka vakereja o čačipe hem na ikereja nikaskiri strana, soske na dikheja koj tano koj, nego čače sikaveja o drumo e Devleskoro. Trebela li te da e Cezareske o danok ili na? Te da ili na?"
17 Togaš o Isus vakergja lenge: "Adava soj e Cezareskoro, den le e Cezareske, a adava soj e Devleskoro, den le e Devleske."
Hem ola čudinena pe sine taro leskere lafija.
O Isus vakerela bašo uštibe taro mule
18 Togaš ale o sadukeja, so vakerena sine deka nane uštibe taro mule, i pučle e Isuse:
I najbari zapoved
28 Togaš alo jekh taro učitejla e Zakoneskere hem šungja len sar kerena lafi. Dikhla deka o Isus šukar odgovorinela lenge, i pučlja le: "Koja tani i najbari zapoved taro sa o zapovedija?"
29 O Isus odgovoringja leske: "Akaja tani i najbari:
‘Šun, Izraele! O Gospodari, amaro Devel, tano jekh Gospodari!
30 Mang te Gospodare te Devle sa te srceja, sa te dušaja, sa te gogjaja hem sa te silaja.’
31 A i dujto tani:
‘Mang te pašutne sar tut so mangeja.’
Nane pobare zapovedija akalendar."