E Isuseskoro pomazanie ki Vitanija
3 A koga sine o Isus ki Vitanija, ko kher e Simoneskoro o Leprozno. Dži kote bešela sine ki sofra, ali jekh romni so sine la šiši kerdo taro mermeri, a andre ki leste sine skupo mirizlivo ujle taro čisto nard. Oj phragja o šiši hem čhorgja o ujle upro leskoro šero.
6 Ama o Isus phengja lenge: "Mukhen la! Soske zakačinena la? Oj kergja mange šukaripe. 8 Oj kergja adava so šaj sine te kerel. Angleder makhla mo telo hem spremingja le bašo parujbe. 9 Čače vakerava tumenge, kote i te propovedinel pe o evangelije ko celo sveto, ka vakerel pe adava so kergja, te šaj sarine setinena pe ki late."