O Isus anglo Evrejsko Sovet
53 I ange e Isuse ko baro svešteniko, hem khedinge pe sa o prvosveštenikija, o starešine hem o učitejla e Zakoneskere.
55 A o prvosveštenikija hem o Evrejsko Sovet rodena sine nesavo dokaz te arakhen te šaj te mudaren e Isuse, ama našti sine te arakhen. 56 Adaleske so but džene vakerena sine hovajbe protiv leste, ama lengoro svedoštvo na sine isto.
61 Ama o Isus kjutingja hem ništo na vakergja.
Togaš o baro svešteniko pučlja le: "Tu li sijan o Hristos, o Čhavo e Blagoslovimeskoro?"
62 O Isus vakergja: "Me sijum, hem ka dikhen o Čhavo Manušeskoro sar bešela tari desno strana e Najsilnoskiri hem sar avela upro oblakija e neboskere."
63 Togaš o baro svešteniko tari holi pharagja pe šeja hem vakergja: "Na trebela amen više svedokija! 64 Šungjen sar hulingja upro Devel! So mislinena?"
Hem sarinen osudinge le deka zaslužinela te merel.