MATEI 22

Likowe lyo bu’kana na uyu’ki

23 Lisu’ba lyo bi’ngi' ba Masadukayo, bababaya panga awi’li baalu’a yu’kali, bannyendeli Yesu, 24 ngabammakia, "Mwalimu, Musa aabaite panga, ‘Mundu ywakobike mana awile pangali papa mwana, ipalikwa nnongo wake ankobeke aywo mau' nng’wi’li’kwa, li’nga ampapi nnongowe bana.’ 25 Bai, pano pakasitu kwaabile na alongo saba. Yu’lu' nnongoi belekwa aatikobeka bu’kapo ngawaa pangali papa mwana, ngannekya nnunawe aywo nnwawa nng’wi’li’kwa. 26 Ngaipitya kai' nyinyonyo, kwa nnongo ywenebi’li', na ywenetatu mpaka ywa saba. 27 Bu’ka po waa abo alongo boti, ngawaa kai' na yu’lu' mau'. 28 Buli, lisu’ba lya awi’li pabaalu’a yu’ka, mau' yu' alu’a panga nnyumbowe nyai mwa balu' alongo saba? Kwa mwanjaa abo boti saba baankobike nnwawa ywo."

29 Yesu ngaayangwa, "Mwenga mukosa, kwa mwanjaa mugatangiteli Maandiko Mapeleteu wala uweso wa Nnu’ngu'. 30 Kwa mwanjaa awi’li pabaalu’a yu’ka baakobekali wala baaku’ndali, kati mwababile malaika ba kunani. 31 Lakini kwa uyu’ki wa awi’li, buli munasomali galu' gamwaabakiyilwe na Nnu’ngu'? Ammakiye, 32 ‘Nenga na Nnu’ngu' wa Bulaimu, Nnu’ngu' wa Isaki na Nnu’ngu' wa Yakobi.’ Bai, ywembe Nnu’ngu' wa awi’li lili, ila ywembe Nnu’ngu' wa akoti." 33 Si’lu' kipi’nga sa bandu pasaayu’wine nnya, ngakisangala muno mayi’gano gake.