1 Kwa kya agho, twenga tubhegha na lumati lukulu lwa ayimiho muulongolo ghwetu. Hinu tubhuhe kila kilibhi kiitukingikiha, na ulemwa ghula ghuutukamula kanongola. Tutughe kwa ulimbililo mu malimbano ghaabhikitwe mu ulongolo ghwetu. 2 Hino, na tunlolekehe muno Yesu, ywene ywakayandihite na kutwihiliha uhyubhalilo ghwetu, ywene kwa kya uyelelo ghuubhikitwe mu manjubha ghaapala kuhika kakilimbilila kiho mu lupingika, kyanga honi naywo katama mu mbande ya nnilo ya kiteho kya utabhala ghwa Chapanga 3 Nhwachile muno yakya milando yinbwitukilite Yesu, bhula pakalimbililite upingiko nkulu kuhuma kwa bhandu alemwa. Hino nkotoke kudunyuka mwoyo, ebu kubhuya kunyuma. 4 Kiyaha mukulimbana kwa twenga na ulemwa, peni yikali mwenga mukitutana ng'obhe mbaka kuyita mwahi ghwenu. 5 Bhuli, mukighalibhalila ghala malagho gha kuyonjokeha myoyo yene Chapanga kanguakema mwenga bhana bhake?

"Mwana ghwangu, ghukotoke kunpughana Chapanga pakakuhyatula,

ebu ghukotoke kudunyuka mwoyo pakakulakalila.

6 Kiyaha Bambo kaammuyihila ywohele ywakanpala,

na kaanhyatula ywohele ywakayitikila kubhegha mwana ghwake."

7 Nnimbilile ihyatulo kwa kya kulihunda. Chapanga kataatendela mwenga handa bhana bhake, kiyaha ndo mwana ywoki aywo ywangahyatulighwa na abhele bhake? 8 Chapanga kangubhahyata bhana bhake bho, handa mwenga mmegha bhana mbunjilo. 9 Kangi twenga twabhoha tubhegha na atate bhaatulelite, bhaatuhyatulite na twenga tukiahokamila. Bhuli, yingutunogha ng'obhe kulihuluha kyanalumu kwa Tate ghwa mihuki yetu ngati tulame? 10 Atate bhetu bhakituhyatula kwa manjubha gha mandina handa bhene paabhonite yikibha tela, peni Chapanga kangutuhyatula kwa kya mahokelo ghetu ngati tutame na tulilunge muumaha ghwa ywombe. 11 Kuhyatulwa chepa nnando ghwa kuyeleleha ngati kuhyononeha. Peni kwa bhala bhaahunditwe kwa njila ya kuhyatwa bhangutama kwa uhihimiloa muulongolo ghwa Chapanga .

12 Hino, nnyinule mabhoko ghenu ghaaleghelekite na kughapegha makakala mayughwa ghenu ghaaloghoya. 13 Nng'endelele kutyanga mu njila yiighololokite, ngati kila kyanga kutyanga kikotoke kuyoyobhala ngati mbaha kilamihwe.

14 Nkangamale kutama kwa uhihimilo na bhandu bhoha. Ntame maha kyanga kutenda ulemwa, kiyaha kahone mundu ywakahotola kummona Chapanga kyanga kutama handa habhu. 15 Nnolekehe muno, mundu kakotoke ywakapala kulepelwa kukingama umaha ghwa Chapanga, mmeghe meho ngati mundu ywohe kubhegha lukigha lwa nkongo lunakubhaghaya, na na kubhapamanda bhandu kwa lusungu lwake. 16 Mulindakile ngati nkati yenu kakotoke kubhegha mundu yuna nhakata ebu ywanga nntundamila Chapanga handa Esau, ywakahemenganite shaliya yake ya kubhegha nbhelekwa ghwa kalongohi kwa hilyo ya mala yimo. 17 Mwenga mungumanya hata pakapalite kumokola kangi unonelo ghula ghuubheghite ghwa ywombe, kakilemwa, kiyaha kakimokola kangi ng'obhe ng'ebu ya kulipetula, hata bhula kakiipalaha kwa mahohi.

18 Mwenga muukihikila ng'obhe ku kitumbi kya Sinai kinakuhotolika kukamulika, mukihika ng'obhe mu mwoto ghuuyakite paabheghite mahundi mapili na lubhindo na likusi, 19 kuubheghite na lilobhe lya litalumbeta, ebu lilobhe liikambukite malagho gha kuyoghoha mbaka bhala bhaaghombilitwe bhakiyupa bhakotoke kughombelwa kilibhi kingi, 20 kiyaha bhakihotola ng'obhe kulimbilila lilagho lila lyaakwilikihitwe, "Hata handa nnyama kaakikamula kitumbi aki, kaatutwa kwa maganga mbaka kuhwegha." 21 Bhakighabhona gha kuyoghoha mbaka Musa kakilongela, "Nunguloghoya muno kwa lyogha."

22 Peni mwenga nhika mu kitumbi kya Sayuni, Yelusalemu ya kunani kwa Chapanga, kitami kya Chapanga yunaubhumi. Nhika mu ngwemuko ngulu ya andumitumi bha kunani kwa Chapanga elufu elufu bhanga mmalango bhanakulumbalila. 23 Mu ngwemuko lya abhelekwa ghwa ulongohi bha Chapanga, bhene mahina ghabhe ghatyekwa kunani. Nhika kwa Chapanga yunakutosa bhandu bhoha, mu mitima ya bhandu bha maha bhene Chapanga kabhatenda bhayitikilwe muulongolo ghwake bhaatwihilikite. 24 Nhika kwa Yesu yunakualnganiha malobhe bhandu na Chapanga kwa ninganilo lya hyono, na kwa mwahi ghuumichilitwe, ghula ghuulongilite Mihalo ya Maha kupitingana mwahi ghwa Abeli.

25 Hino, mulindakile nkotoke kunnema ywakalongela na mwenga. Handa bhene bhaahyepetuka ng'obhe kuhyatulwa pabhannemite ywombe ywakaakinyite munnima aghu, Bhuli twenga, twaalopoka bhuli handa twaanyihwa ng'obhe yula ywaatukinya kuhuma kunani? 26 Mu manjubha ghala lilobhe lyake linakungwangwaliha nnima, peni hinu kalongela, "Mu mala yimo ghweka ndaghungwangwaliha maha ng'obhe nga nnima ghweka peni na kunani kwa Chapanga bhubho 27 Peni lilagho alyo "kangi" Lingulangiha kukita hilibhi hyoha hiingwangwalikite, ngati ihighale hilibhi ywanga kuhotola kutingihikando hila hibhumbe hiibhumbitwe, kwa likaho hila hilibhi hyanga kuloghoya hiighale. 28 Twenga nino, mana tukamuhwa ghubhutwa ghwanga kungwangwalihwa, ndo mmeghe na umaha ghwa Chapanga, na kwa agho tummuhile Chapanga utundamo ghwa maha, papamu na utekulo na umaha, 29 kiyaha Chapanga ghwetu ndo handa mwoto nkalipa ghunakulaghaliha.