Marcos 10

Yesu aheledjai Balatimayo moto ɔ miso mago

46 Yesu na batingami ba nde baimea ta ibonga la Yeliko. Ehole ɛimana bo ta ibonga na emumu ɛ bato, moto ɔ miso mago ɔbeakabo Balatimayo, mwana moomi ɔ Time, adaka ta mokpɛngɔ ma ndjia ena asɛngɛ. 47 Ɔɔka yo boo ɛdaka Yesu ɔ Nasaleta, abanga ogama: «Yesu, Mwana ɔ Davidi, okeani ndjokwa!» 48 Bato bike bamosia boo adae ogoo, endolo yo agama koko na ngulu mɛɛnɛ: «Mwana ɔ Davidi, okeani ndjokwa!» 49 Yesu aema ko abala boo: «Mobeani.» Babea moto ɔ miso mago ko babala na nde boo «Sapingedja, emaa, Yesu aobeaka.» 50 Ɔɔka yo bibaeli bia adumba mokoto ma nde, asapimbodja ko akɛɛ odii Yesu. 51 Yesu amohɔdja boo: «Ɔpalaka nakɔe yee ta tin’ɛ wɛ?» Moto ɔ miso mago amosɔmbɛdja boo: «Molehi, kɔɔ bo naenɛ koko.» 52 Yesu abala na nde boo: «Kɛɛ, edhimeli ɛ wɛ eoheledjai.» Oko ta ehole ena abanga oenɛ opele ko akimana Yesu.