19 Mwali omina akamoaka ko abalaka: «Tata, naeni bo wɛ odi mbaeli o Ndjakomba! 20 Bakɔkɔ ba biso basamalia baongɔnɔkɔ Ndjakomba ta ikoli idi; endolo no bayuda okabaleni bo polo eboani na bokumedja Ndjakomba edi ta Yelusalɛmɛ4, 20 Basamalia bagbɔtɔ na iputo i bayuda. Na bea batonga tepelo e bobo ta diko i ikoli i Geladjimo; Enakobea bayuda badikaka ta tepelo e Yelusalɛmɛ.Endja pongono ta Ndj 122, 1-4..» 21 Yesu amombedjaka: «Mwali dimeani, ehole eduake, okumedjetebini naikina Sesa ta ikoli idi, nongo ta Yelusalɛmɛ. 22 Ino basamalia, okakumedjeni Ndjakomba okadɛno pɛ bodjeba; endolo iso bayuda lokakumedje Ndjakomba okadjebeso. Tengasa isiko idoi na bayuda. 23 Endolo ehole yena aduake ko esi boimea, ehole yena bakumedji ba soti bakumedjakabi Sesa na ndjea e Mwembo ko na soti; tengasa edi bakumedji bia bakahombe Sesa. 24 Ndjakomba adi Mwembo ko bia bakamokumedje, badi bomokumedja na ndjea e Mwembo ko na soti.» 25 Mwali omina abalaka na nde: «Nadjebaka bo Masiya, atingodjaka Kilito, aduabi. Ehole eduabi yo, aloinedjabi meako misusu.» 26 Yesu amosɔmbedjaka: «Edi Mbi, iyo nabalaka na wɛ.»
Publicidade