Marcos 5

Yesu aheledji moto odaka na mwembo mobe

1 Baimeaka ta mokula mokina mo ibeke ta ibonga enɛnɛ i Galilea, ta ibonga i bato ba Gelasa*5, 1 Mal alɛdjɛkɛ iya ibonga edi ta pamba ekime moyi ta pamba e ibeke Gelasa kaoko i Galilea. Kokanedja ta Mat 8.28 ko ta molɔngɔ.. 2 Ehole eduboaka Yesu ta bwato, momi omɔti aimaka ta ndanda e makila*5, 2 Makila Madaka mabɔngedjamake ta mabanga., adaka na mwembo mobe, aduaka ta boso bo nde. 3 Adaka adi ta makila, pɛ moto odaka na ngulu e bomonanga mbɔti, nongo na sɛni; 4 tengasa adaka mbala inɛnɛ monangake mɔmɔ na mako na sɛni, endolo yo adaka bolena sɛni ko na botswa mbɔti: pɛ moto odaka na ngulu e bomogɔledja. 5 Adaka mbala inɛnɛ ta makila, bolebaleba bulu na moi ta makoli, bogamakaka ko bosabenedjakaka na mabanga. 6 Ehole enɛkɛ yo Yesu bohali, apotaka, akwaka mangbundɔ ta boso bo nde 7 ko agamaka na ngulu mɛnɛ: «Tina ndani okwei ta midjɔ mi mbi, Yesu Mwana o Ndjakomba odi odiko i losusu? Nongɔni, ta kombe e Ndjakomba, pɛ boyekeani!» 8 Tengasa Yesu abalaka na nde: «Ima adi momi yo mwembo mobe!» 9 Yesu amohɔdjɔkɔ: «Kombe e wɛ nda?» Amosɔmbedjaka: «Kombe e mbi "banɛnɛ", tengasa lodi banɛnɛ.» 10 Ko amongɔnɔkɔ mɛnɛ boo adae pɛ bomiloma ta sokolu e ibonga. 11 Enakobea edaka oho mbuti na ikoli bwela bo ngulu*5, 11 Ta malɛi ma Lew 11, 7 ko Det 14, 8, na Ngulu Epeamaka na Bayuda tine Bosia boyaka. Etingodjaka boo lodi ta ibonga edi pɛ boda Bayuda. bonɛnɛ bodaka bayaka. 12 Miembo mibe miongɔnɔkɔ Yesu: «Loloma ta ngulu biya ho, lokwe ta tei ibu!» 13 Yesu abapaka enɔli. Miembo mibe mimaka mikweaka ta ngulu. Bwela bo ngulu bosusu, bodaka mbuti na koto ibae, bopotaka engbanga ko bodindaka ta ibeke. 14 Babanei ba ngulu bayanaka bapote ko batɔndɔkɔ gala emina ta ibonga inɛnɛnɛ ko na mabonga masusu ma mbuti mbuti. Na bea bato baduaka aendja modjɔ imosanɔmɔkɔ.